Menu terloops
In Wat om te kyk [5 Nov 2021]

The Pursuit of Love


In ‘The Pursuit of Love’, nou op Showmax, maak ons die avonture van twee beste vriendinne se soeke na liefde mee.

Kyk nou

The Pursuit of Love
Kyk lokprent

Hierdie BBC-minireeks speel af tussen die twee Wêreldoorloë en vertel die verhaal van die vreeslose Linda Radlette en haar beste vriendin en niggie, Fanny Logan, wat op soek is na die ideale man. Dit is ’n verwerking van Nancy Mitford se roman wat reeds in 1945 verskyn het en ons sien Lily James (War & Peace, Downton Abbey, Mamma Mia!) in die rol van Linda, terwyl die Cannes-filmfees beste aktrise-wenner, Emily Beecham (Into the Badlands, Little Joe), die rol van Fanny vertolk.

Ook in die rolverdeling is Andrew Scott (Fleabag) en die BAFTA-wenner Dominic West (The Crown, The Affair).

Die aktrise Emily Mortimer (Mary Poppins Returns, Lars and the Real Girl, Match Point) maak haar debuut as regisseur.

The Pursuit of Love het ’n 87% puntetelling op Rotten Tomatoes en die London Evening Standard skryf “dis die mees genotvolle periode drama in jare, ’n liefdesbrief aan vroue wat meer wil hê en die viering van die reg om anders te wees. Nancy Mitford sou tevrede wees”.

The Guardian het dit vyf sterre gegee en dit ’n reeks genoem wat reeds klassieke-status verkry het. Rolling Stone reken “dit beter die eerste van verskeie regisseurs-rolle vir Emily Mortimer wees. Wat ’n vreugde is The Pursuit of Love nie!”.

Kyk The Pursuit of Love op Showmax.

Wat, waar en wanneer?

Ons kies en keur die beste plaaslike en internasionale sepies, reeks en flieks om nou op Showmax, DStv en Netflix te kyk.

Sien ook Meer

Jy sal hou van:

As jy hou van mediese dramas

‘This Is Going To Hurt’ – die geloofwaardige mediese dramareeks wat ons nodig het

'This is Going to Hurt' is by tye soos ’n emmer koue water oor jou kop – tog, so hard en grusaam as wat dit kan wees, is dit ook eerlik, rou, en (genadiglik) snaaks.

Meer

Wat om te kyk op DStv in Augustus 2022

Wat om te kyk op DStv vandeesmaand: Die tweede seisoen van die lag-uit-jou-maak-uit heerlike komedie, 'Hacks'; die mag van vroue in 'Run the World'; en die geloofde dramareeks 'Gentleman Jack' se tweede uittog.

Meer

Wat om te kyk op Showmax in Augustus 2022

Wat om te kyk op Showmax vandeesmaand: Kim Engelbrecht in 'Reyka', die nuwe wetenskapfiksiereeks 'La Brea' en ’n waremisdaaddokkie wat jou jou eie geheue sal laat bevraagteken.

Meer

Wat om te kyk op Netflix in Augustus 2022

Wat om te kyk op Netflix vandeesmaand: Arnold Vosloo bult sy spiere in dié platform se eerste Afrikaanse reeks, 'Ludik'; jong liefde blom in 'Never Have I Ever'; 'Lock & Key' se storie sluit af met die derde en laaste seisoen.

Meer
Sien alle opsies