Marilyn Monroe het al vele dokkies geïnspireer. Net so is honderde boeke oor haar geskryf. Artikels, flieks… Sy was immers ’n ikoon – een wie se lewe en loopbaan steeds vir mense fassineer. Dié aktrise se dood is ook in gerugte en samesweringsteorieë onthul. Die raaisels is nimmereindigend.
In hierdie dokumentêr neem ’n ondersoekende joernalis die geheimsinnige dood van Marilyn Monroe in oënskou. Soos reeds genoem – nie juis ’n nuwe uittog nie. Tog, dié dokumentêr het ’n eiesoortige trefkrag.
’n Prentjie van haar laaste weke, dae en ure voor haar dood word met nuwe oudio-opnames van onderhoude met diegene naaste aan haar geskets. Dié uitgebreide gesprekke weef die vrae rondom haar dood tot ’n meer intieme raaisel-tappisserie deur lig te op ’n troebel lewe te werp. Die glans het, oënskynlik, die Marilyn Monroe se tragiese werklikheid verskans.
Vanaf 27 April.
Kyk ook:
Kry Netflix met DStv
DStv-intekenare kan met die nuwe Explora Ultra toegang tot Netflix kry. Kry dit nou →
