The Man Who Fell to Earth is gegrond op die gelyknamige 1963-roman deur die skrywer Walter Tevis. Die reeks spog met ’n sterbelaaide rolverdeling wat Chiwetel Ejiofor, Naomie Harris en Bill Nighy insluit.
Die storie draai om ’n alien, Faraday (Ejiofor), wat Aarde toe kom met een doel voor oë: om sy eie spesie en planeet te red. Daarvoor het hy die hulp van ’n wetenskaplike (Naomie Harris) nodig. Hulle is onwaarskynlike spanmaats – hy probeer om meer “menslik” te word; terselfdertyd het sy haar geloof in die mensdom verloor.
Die reeks het ’n punt van 86% op die resensiewebwerf Rotten Tomatoes met The Wrap wat dit loof vir sy “pragtige oomblikke van rou menslikheid.”
Kyk weeklikse episodes van The Man Who Fell to Earth vanaf Maandag 11 Julie om 22:30 op M-Net (DStv-kanaal 101). Ook op DStv Online en Catch Up. As jy daarvan hou, kyk ook Showmax se plaaslike sci-fi-reeks, Pulse.
