Menu terloops

The Investigation

Op Showmax [Gepubliseer op 1 Jul 2022]


‘The Investigation’ is ’n fiktiewe misdaaddrama gegrond op die werklike gebeure rondom die moord op Kim Wall, ’n jong, Sweedse joernalis.

Kyk nou

The Investigation
Kyk lokprent

In The Investigation word die Deense polisiespeurder Jens Møller met ’n ontnugterende intensiteit deur Søren Malling (Borgen) vertolk. Pilou Asbæk (Game of Thrones) is, as die staatsaanklaer Jakob Buch-Jepsen, in perfekte balans teenoor Malling. Saam moet die twee die moord se raaisels oplos om geregtigheid vir Wall – en haar gesin in diepe rou – te laat geskied. 

Wall is op 10 Augustus 2017 deur ’n Deense duikbootbouer vermoor. Dele van haar koplose, gemutileerde lyk is 11 dae later langs die kus gevind.

Haar moord, op dieselfde dag as haar onderhoud met die duikbootbouer aan boord sy skip, het wêreldwyd opslae gemaak soos die ondersoekspan, gelei deur Møller en Buch-Jepsen, op die skuldige jag gemaak en duikers vir ’n verdere ses maande lank vir nog van Wall se liggaamsdele gesoek het.

Oor die duur van ses somber en stadige episodes sien ons die ondersoek ontvou. Dié stadige pas is nes die skrywer-regisseur Tobias Lindholm dit wou gehad het. Die reeks se fokus is immers nou – dit is tot slegs die polisieondersoek beperk en selfs dit word met eenvoud aangebied. Briljant, boeiend, maar sonder enige skouspel wat so gewoon geword het van misdaadrillers.

Pernilla August (Star Wars) en Rolf Lassgård (The Hunters) vertolk Wall se ouers, Ingrid en Joachim Wall. Die reeks is ook in noue samewerking met die werklike Møller en Wall se ouers gemaak. 

Kyk dit op Showmax.

Wat, waar en wanneer?

Ons kies en keur die beste plaaslike en internasionale sepies, reeks en flieks om nou op Showmax, DStv en Netflix te kyk.

Sien ook Meer

Jy sal hou van:

18

Wat om te kyk: 18+ epiese boeke wat in TV-reekse omskep is

Soveel boeiende boeke wat omskep is in soveel skitterende TV-reekse. Hier is ons keur van dié reekse wat jou gaan bekoor, inspireer en ontroer.

Meer

Redakteurskeuse vir Junie 2024: Grootse ‘House of the Dragon’ keer terug, Federer se finale dae, Celine Dion se stryd, en nog

Wat om te kyk: Roerende dokkies oor Celine Dion en Roger Federer, die tweede seisoen van die epiese 'House of the Dragon' en deel twee van 'Bridgerton' se derde seisoen tel onder my keur van TV-vermaak vir vandeesmaand se redakteurskeuse.

Meer

Jou ‘Diepe Waters’-gids vir Junie 2024

Daar is ’n skokkende voorval by die swemklub, Zelda is ongelukkig en ’n onwelkome gas verskyn op Sanet se drumpel. Dít en nog meer is waarna 'Diepe Waters'-kykers in Junie kan uitsien. Hier is ons handige kykgids.

Meer

Jou ‘Suidooster’-gids vir Junie 2024

Rhafiek en Kaashifa sukkel om op dieselfde bladsy te kom en Elana ontdek ’n splinternuwe gawe – 'Suidooster'-kykers kan na dít en nog meer in Junie uitsien. Hier is ons handige kykgids.

Meer
Sien alle opsies