In The Fear Index speel Josh Hartnett (Pearl Harbour) ene dr. Alex Hoffman, ’n tech genius wat homself in die middel van ’n komplot bevind om die wêreld se finansiële markte te vernietig.
Dié sielkundige rillerreeks bestaan uit vier episodes en is gegrond op die gelyknamige topverkoperboek deur Robert Harris.
Lucy Mangan van The Guardian het veral Hartnett se vertolking van Hoffman geprys. “Dit is soliede, bevredigende kykstof. En dit word merkwaardig deur Hartnett verhef, wat Hoffman uit die staanspoor met ’n tasbare, geloofwaardige en al meer bytende vrees verdig.”
Ook in The Fear Index se rolverdeling is Arsher Ali (Avenue Five), Aïssa Maïga (The Boy Who Harnessed the Wind), en Leila Farzad (I Hate Suzie, Avenue Five).
Weeklikse episodes vanaf Vrydag, 23 Junie 2023, op Showmax beskikbaar om te stroom.
