Albei seisoene van The Equalizer, met die Oscar-benoemde Queen Latifah in die hoofrol, is nou op Showmax beskikbaar om te stroom. Boonop is dié gewilde spioen-rillerreeks reeds vir ’n derde én vierde seisoen hernu.
Die reeks is gegrond op die gelyknamige 2014-rolprent met Denzel Washington in die hoofrol. Dit is ook ’n semi-herverwerking van die oorspronklike TV-reeks wat in die 1980s vir vier seisoene uitgesaai is.
Die storie volg Robyn McCall (Latifah), ’n eks-spioen en enkelma, soos sy mense help wat geen ander heenkome het nie.
Die rolverdeling sluit onder andere ook die toneelspelers Lorraine Toussaint (Orange is the New Black) en Adam Goldberg (Saving Private Ryan, A Beautiful Mind) in.
The Guardian beskryf The Equalizer as “trooskyk in moeilike tye” terwyl The AV Club Latifah vir haar spel loof.
