Die Telegraph het The English, met Emily Blunt in die hoofrol, as die beste reeks van 2022 bestempel.
Blunt vertolk die rol van Cornelia Locke, ’n Engelse vrou wat ná haar seun se dood deur wraaksug gedryf word. Op haar reis kruis haar paaie met dié van Eli Whipp (Chaske Spencer). Eli is onderweg na Nebraska om die grond te eis wat hy vir sy diens in die Amerikaanse weermag verskuldig is
Dié minireeks het ’n punt van 82% op die resensiewebwerf Rotten Tomatoes. Empire Magazine beskryf dit as ’n “grootse, ambisieuse en oorspronklike benadering tot die Western-genre wat die buitengewone skryf- en regievaardighede van die TV-outeur, Hugo Blick, onderskraag terwyl dit ook een van Emily Blunt se beste vertonings nog is.”
Binge The English vanaf 6 Maart op Showmax.
