Elke week bring ons vir jou ’n opsommende voorskou oor al die drama, smart en skandale waarna jy op kykNET&kie se Turkse telenovelas, wat na Afrikaans oorgeklank is, kan uitsien. Hier is wat op Moederhart en Skerpioen gaan uitspeel.
Moederhart
Maandag, 11 Maart
Emre loop in op ’n hartstogtelike oomblik tussen Onur en Zeynep, en Lutfi beken sy gevoelens vir Azime teenoor Emre.
Dinsdag, 12 Maart
Ahmet jaag Ceylan uit die winkel uit en Cemre roskam Kaan. Fazil se eks maak amok op kantoor en Emel gee vir hom die trekpas.
Woensdag, 13 Maart
Ahmet besoek vir Nefise om haar te vertel van sy bedoelinge met Zeynep. Zeynep sê vir Ahmet dat hy nie haar hart gaan verower deur haar familie te paai nie.
Donderdag, 14 Maart
Emre konfronteer Zeynep omdat sy en Nefise hom nooit ingelig het oor die trouplanne nie. Azime terroriseer Tugba.
Moederhart word van Maandag tot Donderdag om 17:30 op kykNET&kie (DStv-kanaal 145) en DStv Stream uitgesaai.
Skerpioen
Maandag, 11 Maart
Ahmet smeek Aysum om vir hom ’n kans te gee om te bewys dat hy ’n goeie pa kan wees. Perihan wil Aras se hulp teen Ahmet inspan.
Dinsdag, 12 Maart
Aras vertel vir Duru hy weet dat Can sy seun is. Ahmet stuur Efe om Aysem te beskerm teen haar kliënt se gewelddadige man.
Woensdag, 13 Maart
Perihan word verdink van Hakan se moord en moet ’n tronksel met Ferda deel. Aras neem baba Can na sy huis toe sonder Duru se medewete.
Donderdag, 14 Maart
Met Perihan in die tronk moet ’n nuwe voorsitter vir die direksie gekies word. Merve probeer om vir Efe te kry om ’n verklaring teen Ahmet af te lê.
Skerpioen word van Maandag tot Donderdag om 20:00 op kykNET&kie (DStv-kanaal 145) en DStv Stream uitgesaai.
