Elke week bring ons vir jou ’n opsommende voorskou oor al die drama, smart en skandale waarna jy op kykNET&kie se Turkse telenovelas, wat na Afrikaans oorgeklank is, kan uitsien. Hier is wat op Moederhart en Skerpioen gaan uitspeel.
Moederhart
Maandag, 4 Maart
Daar is ’n glinster van hoop as Onur ’n leidraad kry oor waar Emre hom bevind. Ahmet is ontsteld omdat Zeynep hom nie gevra het om te help nie.
Dinsdag, 5 Maart
Tugba ontdek die kredietkaart wat Muzaffer vir Nefise gegee het. Zeynep vra Emre uit oor die gebeure wat tot die skietery gelei het.
Woensdag, 6 Maart
Suat kry amper ’n hartaanval toe sy geheime wegkruipplek ontdek word. Tugba maak ’n plan om haar kloue in Muzaffer te slaan.
Donderdag, 7 Maart
Demir vertel van sy reddingspoging om Mert uit Duitsland te kry. ’n Nuwe kliënt by die salon vra Cemre om as fotomodel vir haar firma te werk.
Moederhart word van Maandag tot Donderdag om 17:30 op kykNET&kie (DStv-kanaal 145) en DStv Stream uitgesaai.
Skerpioen
Maandag, 4 Maart
Duru sien vir Aras in die dobbelhuis toe sy Hakan se skuld gaan betaal. Ahmed laat Merve ontvoer om by Aysem uit te kom.
Dinsdag, 5 Maart
Ferda rapporteer Ahmet se onwettige dobbelhuis by die polisie. Duru word deur Aras gekonfronteer.
Woensdag, 6 Maart
Aras is vasbeslote om Ahmet te skiet, maar Duru tree tussenbeide. Ahmet beveel Tugay om vir Aras en Efe dood te maak.
Donderdag, 7 Maart
Sahin is woedend omdat Hakan die familie afpers. Hunkar vind uit dat Aras die pa van Duru se kind is.
Skerpioen word van Maandag tot Donderdag om 20:00 op kykNET&kie (DStv-kanaal 145) en DStv Stream uitgesaai.
