Hier is ’n voorsmakie van wat jy volgende in Suidooster kan verwag.
Maandag, 3 Februarie
Wade is seker sy probleme met die polisie is verby, of misgis hy hom dalk? Riaan is bereid om vir Hanli ’n finale kans te gee, terwyl Kaashifa toenemend angstig raak oor haar en die baba se veiligheid.
Dinsdag, 4 Februarie
Riaan neem moet ’n besluit neem. Kaashifa begin al meer uithaak, terwyl speurder Malherbe se ondersoek begin vrugte afwerp.
Woensdag, 5 Februarie
Elana is stomgeslaan oor Kaashifa se gedrag, terwyl iemand onverwags vir ’n ligtepunt in Riaan se dag sorg. Bridgette ontdek iets wat haar snuf in die neus gee en veroorsaak dat Wade se dag tot ’n onverwagse einde kom…
Donderdag, 6 Februarie
Bridgette gee vir Lee-Ann raad, terwyl Mymoena moederlik met die nuwe ouers praat. Stella is uit haar vel om weer vir Riaan te sien.
Vrydag, 7 Februarie
Wade en Zoe loods hulle eie ondersoek, terwyl Bianca vir Riaan bederf. Rhafiek is raadop met Kaashifa se paranoia.
Maandag, 10 Februarie
Kaashifa sukkel om Dullah agter te laat wanneer sy vir haar doktersafpraak gaan. Bianca vertel vir Riaan presies wat sy van hom dink, terwyl Wade en Zoë ’n deurbraak in hul ondersoek kry.
Dinsdag, 11 Februarie
Speurder Malherbe kry ’n nuwe leidraad. Kaashifa probeer uit haar terapiesessie wurm, maar Mymoena gee nie skiet nie. Elana kry ’n teken dat Susan vroeg huis toe gaan kom.
Woensdag, 12 Februarie
Is daar ’n tikkie hoop vir Wade? Rhafiek is verslae oor Kaashifa se vreemde besluite. Susan ontmoet Elana se ou skoolvriend, maar iets aan hom pla haar.
Donderdag, 13 Februarie
Susan kry nie vat aan Cilliers nie en Wade is op hete kole. Kaashifa maak uiteindelik ’n deurbraak, maar hoe lank gaan dit hou?
Vrydag, 14 Februarie
Elana bring vir Susan tot nuwe insig oor Cilliers, en Rhafiek ontdek iets skokkend. Nazeem se onlangse neerlaag laat hom soos ’n mislukking voel, terwyl Kaashifa iets in die mou voer…
Maandag, 17 Februarie
Kaashifa beplan om die ondenkbare te doen. Susan en Cilliers wend van beide kante af ’n poging aan om oor die weg te kom, terwyl Wade en sy vriende hul vryheid vier.
Dinsdag, 18 Februarie
Kaashifa se familie en vriende is geskok ná wat sy gedoen het, terwyl Susan wonder oor Cilliers se geldsake. Angie gee vir Gary ’n idee, en Carlo word in die verleentheid gestel.
Woensdag, 19 Februarie
Susan besluit om haar instink te vertrou en Cilliers te agtervolg. Carlo doen iets agter Lee-Ann se rug, terwyl Kaashifa vir Mymoena smeek om haar te help.
Donderdag, 20 Februarie
Rhafiek sukkel om Kaashifa se gedrag te verwerk, terwyl Gary op sy nuwe app fokus. Cilliers verwag ’n pakkie uit Angola en Susan bied aan om dit te ontvang. Carlo is in die moeilikheid.
Vrydag, 21 Februarie
Die Jacobs-susters straf Carlo, Zoë en Riaan terwyl Gary se selfoon-app belowend lyk. Rhafiek vertel vir Kaashifa die waarheid, maar sal sy hom glo?
Maandag, 24 Februarie
Kaashifa weier om besoekers te ontvang, en Carlo doen iets wat Lee-Ann se bloed laat kook. Susan bly agterdogtig oor Cilliers, en wanneer hy uiteindelik bieg oor sy vreemde optrede, is sy stomgeslaan…
Dinsdag, 25 Februarie
Mymoena hoop sy kan tot Rhafiek deurdring. Gary het opwindende nuus om te deel, en Lee-Ann lees vir Nazeem die leviete voor.
Woensdag, 26 Februarie
Kaashifa rig ’n moeilike versoek aan Mymoena, terwyl Nazeem sy band met Carlo versterk. Gary vererg hom vir Justin en Cilliers sukkel om sy swak gesondheid weg te steek.
Donderdag, 27 Februarie
Gary en Justin se vennootskap is op dun ys. Bridgette raak al hoe meer agterdogtig oor Nazeem se planne met Carlo terwyl Rhafiek ’n finale besluit neem.
Vrydag, 28 Februarie
Bridgette oortuig Lee-Ann om Carlo uit Nazeem se kloue te kry. Rhafiek sukkel om die realiteit te verwerk, terwyl Justin te ver gaan met Gary.
Kyk Suidooster weeksdae om 18:00 op DStv-kanaal 144 (ook aanlyn op DStv Stream) of ná uitsending op Catch Up.
