Menu terloops
In Lysie-lysie [1 Aug 2024]

‘Suidooster’-kinkels in Augustus


Daar wag aangrypende episodes vir ‘Suidooster-aanhangers’ in Augustus. Spanningsvolle kinkels is aan die orde van die dag soos geheime, leuens en deurslaggewende besluite ontvou.

Stroom 'Suidooster' aanlyn

‘Suidooster’-kinkels in Augustus

Soos die geheime ontrafel en verhoudings begin wankel, is dit so seker soos die wind wat waai dat meeste van Ruiterbosch se inwoners voor groot toetse te staan gaan kom. Ja, die Kaapse winterstorms gaan sy tol in Suidooster eis… 

1

Mymoena bevind haarself in baie diep gat en beraam ’n skokkende plan om uit haar penarie te kom. Dit is egter moeiliker as wat sy dink om dit wat sy verbrou het, reg te maak. Die Samsodiens kom as sulks voor ’n deurslaggewende kruispad te staan. 

2

Texas en Nazeem is op hete kole oor hoe die dice vir die casino gaan val. Hulle het immers al gewys dat hulle met mense se lewens sal dobbel om hul geldgierigheid te voer.

3

Aiden droom van ’n toekoms saam met Lisa, maar Thys se wisselvallige gedrag bemoeilik sake. Intussen, namate inwoners van Ruiterbosch begin siek word, vermoed Aiden onraad. Dit lei tot skokkende onthullings wat sy wêreld ruk.

4

Bridgette se pogings om vir Zoë te help liefde vind, loop skeef. want Zoë begin dink dat ou liefde dalk nie roes nie. Spanning tussen haar en Angie bereik breekpunt.

5

Mrs J neem ’n verrassend besluit, wat haar dogters baie onkant vang.


Kyk Suidooster weeksdae om 18:00 op DStv-kanaal 144 (ook aanlyn op DStv Stream) of ná uitsending op Catch Up.

Wat, waar en wanneer?

Ons kies en keur die beste plaaslike en internasionale sepies, reeks en flieks om nou op Showmax, DStv en Netflix te kyk.

Sien ook Meer

Jy sal hou van:

kykNET se nuwe mini-dramareeks is ’n verhaal van verlies, vergifnis en hoop

Twee mans se paaie kruis in ’n ondersteuningsgroep ná die verlies van geliefdes. kykNET se 'Elke donker wolk' verken hoe ’n onverwagse vriendskap ruimte skep vir vergifnis, genesing en hoop.

Meer

Rubriek: Gaan griffel in Ouma se resepteboek! ‘Kokkedoor: Klassiek’ is terug! 

Ná ’n voorskou van die eerste episode laat 'Kokkedoor: Klassiek' vir Marteni Burger verlang na haar ouma se resepte én sien sy uit na nog skeppies nostalgie - met ’n knippie kombuisdrama en verrassende kinkels daarby.

Meer

Van die veld tot die kelder – kuier dié November saam met VIA

Van wildplase en wynkelders tot huise met karakter: VIA se November-aanbod beloof vars ontdekkings. Kuier saam met Shari Kennedy, Leandie du Randt, Frank Rautenbach en JP Quickelberge, en leer ken die mense, stories en plekke wat Suid-Afrika so besonders maak.

Meer

Chanél Muller oor ‘Sy, die meeue en die Heilige Gees’

"Enige persoon se geloofsreis is ’n baie persoonlike reis, en dit gebeur alles baie innerlik", sê Chanel Muller, die skrywer, regisseur en vervaardiger van die kykNET-reeks 'Sy, die meeue en die Heilige Gees'.

Meer
Sien alle opsies