Hier is ’n voorsmakie van wat jy volgende in Suidooster kan verwag.
Vrydag, 1 Augustus
Siya vind uit van Kate se vreende gedrag, terwyl Frankie en Justin sukkel om gewoond te raak aan hul woonplek. Bianca woeker om Oos Wes haar eie te maak, en Rhafiek en Kaashifa neem ’n groot besluit…
Maandag 4 Augustus
Riaan hou nie van Siya se insinuasies oor sy ma nie. Frankie kry ’n onverwagse geskenk en Kaashifa besef die impak van haar besluit.
Dinsdag 5 Augustus
Kate vind met ’n skok uit hoekom Henog gesê het sy moet die kerk se biddag bywoon, terwyl Bianca ’n drastiese besluit oor haar toekoms neem. Nazeem sien iemand uit sy verlede.
Woensdag 6 Augustus
Die Samsodiens probeer om Bianca van plan te laat verander, terwyl Kate se stories oor Henog vir Siya omkrap. ’n Dubbelganger maak weer ’n verskyning.
Donderdag 7 Augustus
Gary probeer om die meisie wat hom beroof het op te spoor. Elana en Angie pamperlang Kaashifa, maar Rhafiek is in ’n stryd teen tyd.
Vrydag 8 Augustus
Siya en Kate takel mekaar oor ’n nuwe verwikkeling onder die gemeentelede. Gary het ’n waaghalsige plan om die meisie wat hom besteel het te vang, terwyl Nazeem toenemend broos voel oor Laylla.
Maandag 11 Augustus
Rhafiek en Kaashifa beland in die moeilikheid by Mymoena. Kate waarsku Bianca teen ’n gevaar en Nazeem probeer agterkom wat by die klub aan die gang is.
Dinsdag 12 Augustus
Frankie is paniekbevange wanneer haar ouers onverwags in Ruiterbosch opdaag. Kate raak weer duiselig en Siya moet haar oortuig om dokter toe te gaan. Nazeem vind met ’n skok iets uit.
Woensdag 13 Augustus
Nazeem nooi ’n onwaarskynlike gas vir aandete. Elana ontmoet ’n persoonlike heldin en Kate het nog ’n mediese episode.
Donderdag 14 Augustus
Frankie se ouers het groot planne wat haar en Justin onkant vang. ’n Desperate Shandy vra Nazeem om haar te help, terwyl Kate se lewe ’n dramatiese wending neem.
Vrydag 15 Augustus
Bridgette waarsku weer vir Nazeem teen Shandy, terwyl Kate nog ’n besoek van Henog ontvang. Frankie is bekommerd oor haar ouers se negatiewe reaksie.
Maandag 18 Augustus
Kate neem ’n drastiese besluit oor haar geloof. Justin konfronteer Frankie oor iets wat haar ouers hom vertel het, terwyl Shandy wys hoe sy werklik voel.
Dinsdag 19 Augustus
Shandy dreig om Bridgette en Nazeem se goeie verhouding te ontspoor. Almal is bekommerd oor Kate wat haar sterk hou en sê sy is gereed vir die operasie. Maar is sy werklik?
Woensdag 20 Augustus
Kate worstel steeds met haar geloof. Shandy slaan haar kloue dieper in Nazeem in, terwyl Frankie se ouers druk op haar plaas om ’n besluit oor haar toekoms te neem.
Donderdag 21 Augustus
Shandy se eerste dag by Oos Wes is ’n fiasko. Justin staan bont om Frankie se ouers te paai en Kate se laaste skandering lewer verbysterende resultate.
Vrydag 22 Augustus
Amanda stem in tot ’n onderhoud op Radio Dassie. Gary konfronteer Shandy by haar nuwe werk en Bridgette is die slagoffer van ’n misverstand.
Maandag 25 Augustus
Frankie is desperaat om dinge reg te maak met haar ouers en stel terapie voor, maar Mike skop vas. Zoë word baie kompeterend oor die Blisters for Bread pretstap.
Dinsdag 26 Augustus
Frankie kry onverwags ’n boodskap van haar pa, terwyl Bridgette al meer bekommerd raak oor Nazeem. Kaashifa maak vir Bianca ’n aanbod.
Woensdag 27 Augustus
Bridgette en Lee-Ann katrol vir Riaan in om hul stapspan af te rig en dit maak Zoë bekommerd. Mike en Tess geniet mekaar se geselskap, terwyl Shandy met die verkeerde ou flankeer.
Donderdag 28 Augustus
Justin bly bekommerd oor Frankie se ouers, maar gaan sy na hom luister? Nazeem en Wade sit vas, terwyl Siya ’n nuwe werksgeleentheid vir Bianca sien.
Vrydag 29 Augustus
Mike wil sy huwelik nog ’n kans gee, terwyl Zoë en Mrs J nuus het vir hul twee stapspanne. Bridgette stel vir Shandy ’n strik.
Suidooster word weeksdae om 18:00 op kykNET (DStv-kanaal 144) en 18:30 op kykNET&kie (DStv-kanaal 145) uitgesaai. Suidooster is ook beskikbaar op Catch Up, DStv Stream en Showmax.
