Die komediant en sangeres Bridget Everett (Unbelievable, Inside Amy Schumer) se spel as Sam in die eerste seisoen van Somebody Somewhere het só beïndruk dat sy onder meer vir ’n Independent Spirit-toekenning benoem is. The Wrap skryf: “Bridget Everett is ’n krag – en ’n stem – om mee rekening te hou.”
Terwyl die eerste seisoen gesien het hoe Sam worstel met die verlies van haar suster – terwyl sy midde ’n midlife crisis of note verkeer het – het sy ook ’n klein gemeenskap van haar eie geskep met die terugkeer na haar tuisdorp. Sam het haar redding in sang en in hierdie groepie buitestaanders – wat soos sy nie in die “tradisionele” rolle in die samelewing inpas nie – gevind. In die tweede seisoen, het Sam en Joel (Jeff Hiller) saam ingetrek. Sam hou ook vol om haar (sang)stem te probeer vind.
Die reeks, wat Everett saam met die bekende storieskeppers, die Duplass-broers, vervaardig, is reeds vir ’n derde seisoen hernu.
Albei seisoene van die komedie-drama het ’n punt van 100% op die resensiewebwerf Rotten Tomatoes.
Somebody Somewhere se tweede seisoen is deur Rolling Stone bestempel as “TV se soetste stukkie lewe”. The Daily Beast meen dit loop oor van “vertolkings wat jou hart sal breek én dit weer sal genees”.
Stroom die tweede seisoen vanaf 10 Julie 2023 op Showmax. Die eerste seisoen is ook op Showmax beskikbaar.
