Hier is ’n voorsmakie van wat jy hierdie maand in Skemergrond kan verwag.
Woensdag, 1 Januarie
Tillie en Dirk moet moeilike besluite neem oor Willem. Erica staan op vir die Louws wanneer die dorp begin skinder. Amber probeer tot Louis deurdring.
Donderdag, 2 Januarie
Junior word beseer tydens sy oefensessie. Gloria verloor haar humeur en maak oop teenoor Tasneem. Jasmine vind uit dat die hele dorp oor Ronnie se egbreek gons.
Maandag, 6 Januarie
Junior is gefrustreerd dat hy nie kan oefen nie. Dirk rig ’n verrassende versoek aan Manny. Ronnie se praktyk staan leeg en hy konfronteer Christine daaroor.
Dinsdag, 7 Januarie
Tillie se skuldgevoelens spook by haar. Kevin probeer uitreik na Gloria. Die Louws sukkel om meer kliënte te kry om die leningspaaiement te betaal.
Woensdag, 8 Januarie
Die Louws kry goeie nuus, maar is Christine in beheer? Kevin maak ’n deurbraak met Gloria, maar Manny waarsku hom om nie te opgewonde te raak nie. Junior is desperaat vir nog pynmedikasie.
Donderdag, 9 Januarie
Junior glip weg met die vervalste voorskrif. ’n Kliënt plaas ’n bestelling, maar die Louws besef daar’s ’n tekort aan blomme. Beeno laai Gloria laatnag alleen in ’n gevaarlike area af.
Maandag, 13 Januarie
Lily laat Hazel weet dat Junior in ’n ongeluk was. Kevin gee vir Gloria ’n foon sodat hulle in kontak kan bly. Christine kontak Josephine om die Louws se kliënte te steel.
Dinsdag, 14 Januarie
Hazel en Ronnie blameer mekaar vir Junior se ongeluk. Beeno beveel Warren om uit te vind of enigiets met Gloria aan die gang is. JP en Jasmine probeer vrede maak met Hazel.
Woensdag, 15 Januarie
Kevin doen amper iets wat hy berou. Die Louws besluit om nóg ’n geheim van Hazel te hou. Manny bok-bok by Tillie. Junior begin in depressie verval.
Donderdag, 16 Januarie
Beeno raak al meer agterdogtig oor Gloria se bewegings. Ronnie is desperaat om sy band met Junior te herbou. Manny neem vir Tillie op ’n uitstappie.
Maandag, 20 Januarie
Ronnie maak ’n voorstel aan ’n universiteitsvriend wat Everlasting kan red. Fabian belowe vir Warren hy sal Gloria op haar plek hou. Louis is bekommerd oor sy matriekuitslae.
Dinsdag, 21 Januarie
Louis deel slegte nuus met Erica, terwyl Junior, Amber en Shakiel hul prestasies vier. Gloria en Kevin beraam ’n plan. Manny is kinderlik opgewonde oor Tille se uitnodiging.
Woensdag, 22 Januarie
Christine wil die Louws van die plaas af jaag. Hazel en Junior besef hulle moet verantwoordelikheid vir hul dade neem. Louis vertel Amber dat hy en Shakiel gaan opbreek.
Donderdag, 23 Januarie
Ronnie werk hard om die plaas te red, maar gaan hy slaag? Louis se woede laat hom slegte besluite neem. Manny het ’n nuwe plan om Tillie se hart te wen.
Maandag, 27 Januarie
Louis word uitgeskel. Manny maak homself kwesbaar aan Tillie. Beeno bring weer die idee van ’n huwelik met Gloria op. Dis oesdag op Everlasting.
Dinsdag, 28 Januarie
Christine vertel vir Tyler dat sy ’n troefkaart in haar mou het. Junior besluit om weer te begin dans. Tanne steel Fabian se foon. Beeno vra Gloria om te trou.
Woensdag, 29 Januarie
Christine is vasbeslote om momentum terug te wen. Gloria vertel Kevin van die verlowing. Junior keer terug na sy dansklasse, in sy rolstoel.
Donderdag, 30 Januarie
Tanne lê op Fabian se rug oor die werk wat hy gesê het hy kan reël. Sylvia hou Junior se vordering dop gedurende die dansklas. Josephine gee Christine ’n ultimatum.
Skemergrond saai weeksdae uit om 19:30 op kykNET&kie (DStv-kanaal 145) en DStv Stream. Dit is ook ná uitsending op DStv Catch Up beskikbaar.
