Menu terloops
In Sepies [6 Feb 2023]

Sepies: Elke hart het sy smart


Jy kan probeer, maar die hart weet wat dit wil hê of jou geliefdes nou daarmee saamstem of nie. Sepies op ons radar vandeesweek is ‘Binnelanders’, ‘Suidooster’, en ‘Diepe Waters’.

Deur Tarren-Lee Habelgaarn
Sepies: Elke hart het sy smart

Bad romance was beslis die tema van verlede week se sepies. As dit nie Rossouw en sy skoonsus is nie, dan is dit Wade en Angie wat hul toksiese verhouding weer ’n kans gee. Of dan tronkvoël Emile wat oor Janice droom. Dan praat ek nie eens van Zoë wat haar vlug Boston toe gemis het om met Nazeem te vry nie.

Suidooster

Nazeem (Irvine van der Merwe) mag dalk ’n boef wees, maar hy het verlede week bewys dat die regte persoon iemand ten goede kan verander. Ons ken hom as die rof en onbeskofte karakter wat altyd gereed is om mense te bedrieg. Maar Zoë laat ons ’n hele ander sy van Nazeem sien. Op hul eie Shrek en Fiona-manier, laat Nazeem se prinses sy harde hart smelt. Ek het nie geweet ’n blikkie langs die braaivuur en ’n pakkie goedkoop lekkers van die hoekwinkel af kan iemand se hart vinnig laat klop nie. Maar Nazeem het Zoë se swakheid gevind en nou lyk dit asof Ruiterbosch se prinses ’n lewe en craft bier in Boston wil prysgee om ’n gatsby en Jive saam met Nazeem te deel.

Ek sal ver ry op ’n Vrydagaand vir die regte gatsby, maar ’n man is ’n hele ander ding. Jy gaan my nie sommer kan flous en oortuig dat jy jou maniertjies verander het nie. Dan by ek eerder sonder dit.

Dit terwyl Wade (Dean Smith) se geliefdes al hul gebede vir die jaar in-cash, sodat hy van Angie kan vergeet. Dié een is weer drunk in love en het obviously nog nooit gehoor van “fool me once, shame on you, fool me twice, shame on me” nie. As dit by die liefde kom, het Wade maar min selfbeheer. Hy weet hoe swaar hy onder Angie se invloed gely het, tog sien hy kans vir ’n tweede rondte. As ek Ty was, spaar ek almal die drama en sit ek hom onmiddellik uit die huis uit. Ek het niks teen Angie nie, maar sy en Wade is soos water en vuur.

Kyk Suidooster op DStv Online.

Diepe Waters

Praat van kinderagtig! Anja (Reandi Grey) wou nie meer in die donker rondsluip nie en het dinge met Rossouw (Altus Theart) beëindig. Nou loop hy met ’n houding rond en gee vir haar die silent treatment. Vir ’n getroude man om so rond te loop, is embarrasssing. Hy wil sy brood aan albei kante gebotter hê, terwyl die vroue in sy lewe elkeen in spanning wag vir hom om hulle te kies. Dit is mos nie reg nie. Ek is nie Sanet (Nadia Valvekens) se grootste fan nie, maar as hy nie met haar wil wees nie, moet hy so sê. Dit is 2023 en ons wil nie meer aan ’n lyntjie gehou word nie. Die mense by die dansklas skinder seker lekker agter sy rug oor hom wat sy lyf John Travolta met die twee sussies hou.

Kyk Diepe Waters op Catch Up en DStv Online.

Binnelanders

Soekie (Antoinette Kellermann) is op dun ys en beter wakker slaap. At (Hans Strydom) se kameras werk weer en die hel is dié week los as hy twee en twee by mekaar sit. Steve (Clint Brink) is glad nie bly oor Soekie se kuier nie, maar hy het verlede week sy hande vol gehad met Lexi ( Kisha Skei) wat by die dood omgedraai het. Ek het gesien hoe die lewe Louis (Germandt Geldenhuys) se liggaam verlaat toe hy besef dat sy “groen vingers” amper haar dood veroorsaak het. Ek dink hy is nou sommer klaar met sy tuin. Ek weet ek sou my tuinvurk maar opgehang het. 

Kyk Binnelanders op DStv Online

Wat, waar en wanneer?

Ons kies en keur die beste plaaslike en internasionale sepies, reeks en flieks om nou op Showmax, DStv en Netflix te kyk.

Sien ook Meer

Jy sal hou van:

Wat om te kyk: ‘The Whale’, ‘No Hard Feelings’, ‘Lover, Stalker, Killer’ (ril!) en meer

Dié week se TV-gids sluit in een van die snaakste flieks van 2023, ’n ware misdaaddokkie wat jou twee keer gaan laat dink oor online dating en Brendan Fraser se Oscar-bekroonde vertolking in 'The Whale'. Lees verder vir ons keur van vandeesweek se beste keuses, aanlyn en op TV.

Meer

‘Op my eish!’ met Brendan Peyper: 9 goed wat jy ná episode 4 se wilde ompad moet weet

Ai, ná verlede week se warm soen, het ons gedink die sanger Brendan Peyper gaan vandeesweek groot moves maak. Helaas, dit was eerder sy ouma wat wat toe met "vars bloed" in die vroue se slaai kom krap het...

Meer

Redakteurskeuse vir Februarie 2024: Mode, manewales, en Messi

Wat om te kyk: ’n Besonderse dokkie oor die legendariese sokkerenigma, Lionel Messi; ’n reeks oor hoe moderne mode tydens die Tweede Wêreldoorlog gestalte gevind het; en die nuwe Showmax se propvol kykspyskaart wat ikoniese reekse soos ‘The Office’ en ‘Parks & Recreation’ insluit – hier is ons keur van TV-vermaak vir vandeesmaand se redakteurskeuse.

Meer

Wat om te kyk: Reeksmoordenaars, rugby en roerende drama

Wat om te kyk: 'Donkerbos' is uiteindelik ook beskikbaar vir DStv-kykers; skouspelagtige rugby én agter-die-skerms-drama in ’n Sesnasies-dokkie; M-Net se nuwe gesinsdrama, 'Summertide', première, en ’n epiese oorlogsdrama wag in Steven Spielberg se 'Masters of the Air'. Lees verder vir ons keur van vandeesweek se beste keuses, aanlyn en op TV.

Meer
Sien alle opsies