Menu terloops

Pivoting S1

Op DStv [Gepubliseer op 14 Mar 2022]


Die komediereeks ‘Pivoting’ spog met ’n punt van 100% op Rotten Tomatoes en draai om drie vriende wie se lewens ná ’n vriendin se dood heeltemal verander.

Kyk nou

Pivoting S1
Kyk lokprent

Die komediereeks Pivoting, met Ginnifer Goodwin, Maggie Q, en Eliza Coupe in die hoofrolle, is ’n rusbank-reeks wat jy met ’n glas wyn in die hand kan kyk. Dit verg nie veel inspanning nie, maar is ook darem nie heeltemal spookasem nie. Dis wat jy kyk as jy ná werk, gatvol en moeg, troos in die salige eenvoud van TV-clichès soek.

Pivoting draai om drie middeljarige vriende, Amy, Jodie en Sarah, wie se lewens handomkeer verander ná die skielike dood van ’n vriendin. “Die lewe is kort” word ’n dringende dryfkrag in hul besluit om uiteindelik voluit te leef en hul passies na te jaag.

In kort, hulle moet pivot en opnuut koers kies. Dit draai op heelwat impulsiewe besluite en snaakse situasie uit. Sarah, ’n chirurg, besluit byvoorbeeld om dié beroep te laat vaar om ’n kassier by ’n kruidenierswinkel te wees.

Hulle is darem saam in dié ding en só word die vriende se band al hegter.

Weeklikse episodes vanaf Vrydag, 11 Maart op M-Net (DStv-kanaal 101) om 19:00 en DStv Online.

Wat, waar en wanneer?

Ons kies en keur die beste plaaslike en internasionale sepies, reeks en flieks om nou op Showmax, DStv en Netflix te kyk.

Sien ook Meer

Jy sal hou van:

As jy hou van mediese dramas

‘This Is Going To Hurt’ – die geloofwaardige mediese dramareeks wat ons nodig het

'This is Going to Hurt' is by tye soos ’n emmer koue water oor jou kop – tog, so hard en grusaam as wat dit kan wees, is dit ook eerlik, rou, en (genadiglik) snaaks.

Meer

Wat om te kyk op DStv in Augustus 2022

Wat om te kyk op DStv vandeesmaand: Die tweede seisoen van die lag-uit-jou-maak-uit heerlike komedie, 'Hacks'; die mag van vroue in 'Run the World'; en die geloofde dramareeks 'Gentleman Jack' se tweede uittog.

Meer

Wat om te kyk op Showmax in Augustus 2022

Wat om te kyk op Showmax vandeesmaand: Kim Engelbrecht in 'Reyka', die nuwe wetenskapfiksiereeks 'La Brea' en ’n waremisdaaddokkie wat jou jou eie geheue sal laat bevraagteken.

Meer

Wat om te kyk op Netflix in Augustus 2022

Wat om te kyk op Netflix vandeesmaand: Arnold Vosloo bult sy spiere in dié platform se eerste Afrikaanse reeks, 'Ludik'; jong liefde blom in 'Never Have I Ever'; 'Lock & Key' se storie sluit af met die derde en laaste seisoen.

Meer
Sien alle opsies