Dié periode-drama word nie net vir die kostuum- en stelontwerp geprys nie, maar ook vir die vertolkings – veral Matthew Rhys (The Americans) is al telkens uitgewys vir sy spel as the one and only Perry Mason.
Perry Mason is gegrond op die skrywer Erle Stanley Gardner se bekende Perry-karakter, wat in talle van sy kortverhale en boeke speurder speel.
Die storie speel in die 1930’s af. In die tweede seisoen moet Perry, nou ook ’n prokureur, twee Mexikaanse broers teen ’n moordaanklag op ’n rykmanskind verdedig.
Die reeks het ’n punt van 84% op die resensiewebwerf Rotten Tomatoes. Peter Travers van ABC News beskryf die reeks as “haunting and hypnotic”.
Die tweede seisoen is vanaf 11 September 2023 op Showmax beskikbaar. Kykers kan ook die eerste seisoen op Showmax stroom.
