Die Italiaanse HBO-dramareeks, My Brilliant Friend, keer vir ’n derde seisoen van dramatiese, meesleurende lief en leed terug. Die reeks, wat pragtig verfilm is, is gegrond op Elena Ferrante se topverkoper-boeke (die Neopolitan Novels-reeks).
Die reeks volg twee vriendinne se coming-of-age-verhale in die tweede helfte van die 20ste eeu. Dit speel aan die buitewyke van Napels, Italië, af.
Ons tel eers Lila (Gaia Girace) se storiedrade op. Lila sukkel om as enkelouer onder moeilike omstandighede kop bo water te hou. Elena (Margherita Mazzucco) het intussen ’n suksesvolle roman geskryf.
Seisoen 3 het ’n 100% kritici-gradering op Rotten Tomatoes, met die Washington Post wat skryf: “My Brilliant Friend is ’n reeks van seldsame omvang en ’n buitengewone prestasie.” (Dis dus met goeie rede dat ons dit in dié moet-kyk-lys ingesluit het.)
Die vierde en laaste seisoen, gegrond op die laaste roman in Ferrante se reeks, The Story of the Lost Child, het onlangs die groenlig ontvang.
Kyk al drie seisoene nou op Showmax.
