Elke week bring ons vir jou ’n opsommende voorskou oor al die drama, smart en skandale waarna jy op kykNET&kie se Turkse telenovela, wat na Afrikaans oorgeklank is, kan uitsien. Hier is wat hierdie week op Moederhart gaan uitspeel.
Maandag, 1 Julie
Talat probeer Ahmet oortuig om meer in Cemre belang te stel. Ahmet moet ook besluit of die prys wat hy vir sy wraak moet betaal te hoog is.
Dinsdag, 2 Julie
Onur wil graag met Zeynep trou, maar sy ma het ander planne vir hom. Muzaffer wil Tugba so gou as moontlik by die huis kry.
Woensdag, 3 Julie
Nefise erken aan Muzaffer dat sy tydelik vir Kemal gewerk het. Zerrin gee teësinnig toestemming dat Zeynep en Onur mag trou.
Donderdag, 4 Julie
Muzaffer smeek Emre dat hy hom moet vergewe sodat almal by die villa intrek. Kemal vertel vir Nefise hy was ’n vriend van haar oorlede man, Salih, in hul jonger dae.
Moederhart word Maandae tot Donderdae om 20:00 op kykNET&kie (DStv-kanaal 145) en DStv Stream uitgesaai. Dit is ook op Catch Up beskikbaar.
