Die Voetspore-span, onder leiding van Johan Badenhorst, voltooi met Voetspore: Suid-Amerika 3 hul trilogie oor dié skouspelagtige deel van die wêreld. Venezuela, Guyana, Suriname, Brasilië en Uruguay is dié keer deel van die avontuur.
“Dié drie seisoene oor Suid-Amerika was ’n epiese avontuur en ’n reis van meer as 45 000 km,” sê Johan. “Hierdie laaste tog was meer as 16 600 km en het met sy eie uitdagings en vreugdes gekom. Dit is dertien episodes met ’n span wat deur dik en dun bymekaarstaan, en wat hierdie deel van Suid-Amerika in al sy fasette ervaar het. Om dit in ’n TV-reeks te beleef, gaan kykers beslis vasgenael hou. Wat ’n voorreg!”
Onder die hoogtepunte in die derde seisoen tel Venezuela se Mérida Teleférico, die hoogste en tweede langste kabelkarrit ter wêreld. Daar is ook hul ’n reis vanaf die Amasone-kom tot die Atlantiese Oseaan in Brasilië en dan sluit hulle af in Uruguay, waar die eerste reis na Suid-Amerika drie jaar gelede begin het.
Hier is wat agter die skerms tussen takes gebeur het.
(Alle foto’s is deur kykNET verskaf.)
Voetspore: Suid-Amerika 3 saai uit vanaf Woensdag 11 Maart om 20:00 op kykNET en DStv Stream (DStv-kanaal 144). Episodes sal ook ná uitsending op Catch Up beskikbaar wees.
