Elke week bring ons vir jou ’n opsommende voorskou oor al die drama, smart en skandale waarna jy op kykNET&kie se Turkse telenovela, wat na Afrikaans oorgeklank is, kan uitsien. Hier is wat hierdie week op Moederhart gaan uitspeel.
Maandag, 15 Julie
Onur vind ’n verwese Zeynep in die straat en vra haar om ’n rukkie weg te gaan. Emre is kwaad vir Asya oor haar vriendskap met Kaan.
Dinsdag, 16 Julie
Nefise probeer weer vir Emre oortuig om villa toe te trek. Tugba vertel vir Zerrin wie Emre se pa eintlik is.
Woensdag, 17 Julie
Muzaffer het ’n senuwee-ineenstorting. Ahmet help Cemre uit ’n penarie uit.
Donderdag, 18 Julie
Zerrin en Tuba se plan om by Muzaffer uit te kom, misluk as Azime vir Tuba keer en haar met ’n mes dreig. Muzaffer ontruim die babakamer.
Moederhart word Maandae tot Donderdae om 20:00 op kykNET&kie (DStv-kanaal 145) en DStv Stream uitgesaai. Dit is ook op Catch Up beskikbaar.
