Hier is ’n voorsmakie van wat jy volgende in Skemergrond kan verwag.
Maandag 3 Augustus 2026
Christine kry ’n nare verassing wanner sy Jaap wil omkoop. Ruan soek hard vir tasbare bewyse teen Isaac. Kevin hoor ’n opwindende aankondiging oor die radio.
Dinsdag 4 Augustus 2026
Dirk besef dat Christine nie vir al sy slegte besluite verantwoordelik is nie. Cheryl begin by die bistro werk. Ruan maak kontak met Isaac se vrou.
Woensdag 5 Augustus 2026
Amber help Ruan met ’n deurbraak in sy ondersoek. Manny en Tillie doen die finale troue voorbereidings. Kevin is geskok wanneer hy die wen-rapliedjie oor die radio hoor.
Donderdag 6 Augustus 2026
Gemoedsdrif vier Manny en Tillie se troue. Hazel en Lily oorweeg ’n gewaagde plan teen Christine. Amber raak al hoe nader aan ’n gevaarlike ondersoek.
Maandag 10 Augustus 2026
Amber maak ’n indruk op Isaac. Kevin se ondersoek na Raffie G se identiteit eskaleer. Tillie weier om op haar wittebrood te gaan sodat sy vir Patty en Zander kan help om te trek.
Dinsdag 11 Augustus 2026
Tillie neem afskeid van Lang Verloren. Kevin se obsessie met Raffie G bereik nuwe hoogtes. Amber se roekelose gedrag maak die lewe moeilik vir ’n reeds gespanne Ruan.
Woensdag 12 Augustus 2026
Tillie bevind haar in ’n ongemaklik situasie met Zander. Kevin se hardkoppigheid maak vir Gloria kwaad. Amber sit vir Ruan onder druk om vir Isaac te vang.
Donderdag 13 Augustus 2026
Ruan stoei met Amber se voorstel om haar as lokaas te gebruik. Gloria vertel vir Kevin die waarheid oor die kletsrym. Tillie voel geskeur tussen Lang Verloren en die hotel.
Maandag 17 Augustus 2026
Ruan is verlig om te hoor dat Amber haar belofte nagekom het om nie Simon as ’n vriend aanlyn te aanvaar nie. Erica en Jasmine maak ’n plan om Tillie op die dorp besig te hou.
Dinsdag 18 Augustus 2026
Ruan en Amber stel ’n gevaarlike lokval vir Isaac. Lily begin vermoed iets is fout. Christine staan voor ’n sakegeleentheid wat haar lot kan verander.
Woensdag 19 Augustus 2026
Lily is bekommerd oor Amber. Christine besef dat sy fokus verloor het. Ruan is bekommerd dat die Isaac-situasie handuit ruk.
Donderdag 20 Augustus 2026
Ruan en Amber gaan voort met hul plan teen Isaac. Zander beplan ’n groot verrassing vir Patty. Christine beraam nuwe planne vir haar maatskappy.
Maandag 24 Augustus 2026
Amber stem in om Isaac in persoon te ontmoet. Manny pols Zander oor hoekom hy nie vir Patty gevra het om te trou nie. Christine is vol vertroue dat sy gereed is vir haar voorlegging.
Dinsdag 25 Augustus 2026
Ruan finaliseer die lokval. Dit raak al moeiliker om Lily in die duister te hou. Christine weier om volgens Sentinel se reëls te speel. Tillie skiet al dieper wortel op die plaas.
Woensdag 26 Augustus 2026
Tillie maak ’n oorlas van haarself. Christine probeer haar besigheid red. Ruan worstel met sy besluit om Amber te gebruik.
Donderdag 27 Augustus 2026
Ruan is geskeur tussen Lily en sy behoefte om Isaac vas te keer. Patty is desperaat om Tillie en Manny uit die plaashuis te kry. Junior gee vir Amber ’n groot waarskuwing.
Maandag 31 Augustus 2026
Tillie hou aan grense oorskry op Lang Verloren. Amber se roekeloosheid veroorsaak paniek onder die Louws, en saai verdere onmin tussen Lily en Ruan.
Skemergrond saai weeksdae uit om 19:30 op kykNET&kie (DStv-kanaal 145) en DStv Stream. Dit is ook ná uitsending op DStv Catch Up beskikbaar.
