Ons lek nou al drie seisoene lank ons lippe af vir Jan Hendrik van der Westhuizen se smullekker haute cuisine in sy gewilde kookprogram, Jan.
Sy restaurant, JAN, in Nice op die Cardabelde d’Azur in Frankryk is ’n viermalige ontvanger van die hoogste eer in die bedryf: Michelin-ster-status.
In die eerste twee seisoene kuier en kwyl ons in Jan Hendrik se Nice-kombuis soos hy kunswerke van kos maak – altyd met ’n bietjie Suid-Afrikaanse geur. Ons reis ook saam met hom na verskeie Europese bestemmings wat sy gunsteling-geregte beïnvloed het.
In die derde reeks maak hy op tuisbodem kos by sy Innovation Studio in Kaapstad. Sy ma kom ook hand bysit vir die bekendstelling van KLEIN JAN, die bekroonde sjef se nuwe restaurant in die hartjie van die Kalahari. Jy kan die VIA-reeks aanlyn op Showmax kyk.
