Fire Country is ’n nuwe dramareeks wat draai om CalFire, ’n wildernisbrandbestrydingseenheid in Noord-Kalifornië wat uit gevangenes bestaan. Dis ’n ondankbare werk en die risikos is volop, maar dié lot hoop om só hul vonnisse te verkort.
Die hoofkarakter is Bode Donovan (vertolk deur Max Thieriot en sy breë skouers van Seal Team) wat as deel van dié brandbestrydingsprogram na sy tuisdorp gestuur word. Sy ma, Sharon (Diane Farr), is dié dorp se polisiehoof en sy pa, Vince (Billy Burke), staan aan die hoof van die brandweer. Hulle het gemengde gevoelens oor hul seun se terugkeer… Nie dat hy veel van ’n sê het nie. Bode leer egter gou dat om onvoorspelbare veldbrande aan te vat eng konsentrasie, spanwerk en vertroue verg om te oorleef.
Kyk Fire Country S1 vanaf Dinsdag, 29 November, om 19:00 op M-Net (DStv-kanaal 101). Ook op DStv Online en Catch Up.
