Menu terloops
In Sepies [3 Mar 2026]

‘Diepe Waters’: Dié 6 storielyne gaan Boskruin op hol jaag in Maart


Vandeesmaand is dit verraad, geweld en finansiële onderduimsheid wat die fondasie van Boskruin in ‘Diepe Waters’ skud. 

Deur Redaksie

Kyk 'Diepe Waters' op DStv Stream

‘Diepe Waters’: Dié 6 storielyne gaan Boskruin op hol jaag in Maart

Hier is ses storielyne wat Diepe Waters-kykers in Maart vanjaar gaan boei. 

1

Pam verpletter 

Pam se loopbaandrome word wreed verpletter wanneer Vuyelwa haar besigheidvoorlegging vir die modereeks Mhlaba saboteer. Ewe skielik lyk Pam soos ’n oneerlike bedrieër en moet sy alles in haar vermoë doen om haar beeld in die publieke oog te herstel.

Diepe Waters
Pam se loopbaandrome word wreed verpletter deur Vuyelwa. Foto’s: Skermgrepe/Verskaf
2

Schalk en Leandri

Eers het Die Viljoen Vyf as ’n ernstige en mededingende swemfamilie by Boskruin opgedaag. Intussen het Schalk sy hand teenoor Leandri gelig, die vertroue van sy drie kinders verloor en talle woede-uitbarstings in publiek gehad. Die verbrokkeling van hul huwelik bereik egter ’n breekpunt met rampspoedige gevolge wanneer ’n jaloerse Schalk verder gaan as wat enigiemand ooit sou kon raai. ’n Geliefde Boskruiner eindig sodoende in die hospitaal, terwyl Hanneli, Danie en Marco hul pa se aksies én die gevolge daarvan moet verwerk.

3

Liam se pad met ADHD

Dit is duidelik dat Swartmarlyne-nuweling Liam beslis nie die spoke van sy verlede kan ontsnap nie. Boonop help coach René vir Liam om eerlik met sy diagnose om te gaan. Sal sy nuutgevonde eerlikheid hom help om die diep skuldgevoelens oor sy broer te verwerk, of gaan die druk van die publieke oog sy herstel bemoeilik?

Diepe Waters
Liam kan nie die spoke van sy verlede ontsnap nie…
4

Nuwe kompetisie tussen Marco en Danie

In die swembad moes dié twee boeties al gereeld vir die titel van beste swemmer kompeteer. Nou is dit ’n hele nuwe soort stryd wat hulle besig hou. En die prys? Die hart van dieselfde meisie. Wie gaan buite die swembad as die wenner wegstap? 

5

Diefstal ruk Boskruin 

Wanneer ’n groot diefstal Frans se sak ruk, moet hy opnuut oor die toekoms van sy plaas en sy liefdesverhouding met Zelda besin. Sal hy die ondenkbare doen en sy plaas moet verkoop? 

6

’n Liefdesdriehoek

Manipulasie en misverstande vertroebel Frans en Zelda se verhouding. En boonop is Gys se troostende hand daar om Zelda by te staan deur die moeilike tyd. Gaan Zelda eindelik haar “gelukkige einde” kry? En meer belangrik, met watter man aan haar sy?


Kyk Diepe Waters Maandae tot Donderdae om 18:30 op kykNET (DStv-kanaal 144, ook aanlyn op DStv Stream). Diepe Waters is ook op Catch Up beskikbaar.

Wat, waar en wanneer?

Ons kies en keur die beste plaaslike en internasionale sepies, reeks en flieks om nou op Showmax, DStv en Netflix te kyk.

Sien ook Meer

Jy sal hou van:

kykNET se nuwe mini-dramareeks is ’n verhaal van verlies, vergifnis en hoop

Twee mans se paaie kruis in ’n ondersteuningsgroep ná die verlies van geliefdes. kykNET se 'Elke donker wolk' verken hoe ’n onverwagse vriendskap ruimte skep vir vergifnis, genesing en hoop.

Meer

Rubriek: Gaan griffel in Ouma se resepteboek! ‘Kokkedoor: Klassiek’ is terug! 

Ná ’n voorskou van die eerste episode laat 'Kokkedoor: Klassiek' vir Marteni Burger verlang na haar ouma se resepte én sien sy uit na nog skeppies nostalgie - met ’n knippie kombuisdrama en verrassende kinkels daarby.

Meer

Van die veld tot die kelder – kuier dié November saam met VIA

Van wildplase en wynkelders tot huise met karakter: VIA se November-aanbod beloof vars ontdekkings. Kuier saam met Shari Kennedy, Leandie du Randt, Frank Rautenbach en JP Quickelberge, en leer ken die mense, stories en plekke wat Suid-Afrika so besonders maak.

Meer

Chanél Muller oor ‘Sy, die meeue en die Heilige Gees’

"Enige persoon se geloofsreis is ’n baie persoonlike reis, en dit gebeur alles baie innerlik", sê Chanel Muller, die skrywer, regisseur en vervaardiger van die kykNET-reeks 'Sy, die meeue en die Heilige Gees'.

Meer
Sien alle opsies