Suid-Afrika se wildernis in die 1800’s: Vyf jaar nadat hul ma dood is, stel Rachel, ’n net-net tienermeisie, en haar vyfjarige boetie, Jamie, saam met hul pa koers in na ’n nuwe lewe op die goudvelde. Maar dan verdwyn Jamie in ’n sneeustorm en Rachel durf die dodelike koue aan om na haar boetie te soek.
Die geliefde heldin van die alombekende plaaslike volksverhaal word meelewend deur Zonika de Vries vertolk – sy het boonop ’n Silwerskermfees-toekenning in 2019 vir haar spel ingepalm. Die fliek is ook bekroon vir produksieontwerp en visuele effekte, met die veteraanakteur Stian Bam (Kompleks) wat as beste akteur aangewys is.
Stroom dit op Showmax.
Genre: Drama
Tydsduur: 102 minute
Regie: Matthys Boshoff
Rolverdeling: Zonika de Vries (Sewentig Maal Sewe), Stian Bam, Sandra Prinsloo (Twee Grade van Moord) en ander.
