’n Ou Chucky-pop is te koop by ’n tafelverkoping by ’n huis in ’n idilliese Amerikaanse dorpie en kort voor lank is daar ’n rits skrikwekkende moorde. Die lê die dorp se geheime bloot in hierdie splinternuwe Chucky-reeks, ‘n opvolg op die sewende fliek in die reeks.
Die reeks is geskep deur Don Mancini (Bride of Chucky, Child’s Play) en in die rolverdeling is die Oscar-benoemde Brad Dourif (The Lord of the Rings se Wormtongue en One Flew Over the Cuckoo’s Nest se Billy Bibbit) as die stem van die reeksmoordenaar Chucky en die kinderakteur Zackary Arthur (Transparent) as Jake Wheeler.
Oscar-benoemde Jennifer Tilly (Bullets over Broadway, Bound) is terug as Tiffany Valentine, en Alex Vincent (Child’s Play) is weer Chucky se aartsvyand Andy Barclay. Christine Elise is weer Andy se pleegsuster, Kyle. Kyk ook uit vir Fiona Dourif (The Stand, The Blacklist, The Purge) wat terugkeer as Nica Pierce.
