Menu terloops

Better Call Saul S6

Op DStv [Gepubliseer op 5 Sep 2022]


Die sesde, en laaste, seisoen van die bekroonde Breaking Bad–spin-off, ‘Better Call Saul’, se punt van 99% op Rotten Tomatoes is beduidend van wat uit die staanspoor duidelik was: Dié vertelling is haas onverbeterlik.

Kyk nou

Better Call Saul S6
Kyk lokprent

As die swendelaar Jimmy McGill, óftewel sy alterego, die prokureur Saul Goodman, het Bob Odenkirk in beide Breaking Bad en Better Call Saul meesterlike vertolkings gelewer. Dit wil gedoen wees om sy Saul van ’n sekondêre karakter (in Breaking Bad) na ’n hoofkarakter (in Better Call Saul) te neem. Dit verg ’n diepe begrip van ’n karakter se wese, se menswees, om ’n vertolking as’t ware ongedaan te maak, van voor af te begin, en dan sal selfs iets beter te skep. Waar Jimmy se alterego reeds as Saul gevestig was toe ons hom in Breaking Bad ontmoet het, is Better Call Saul die verhaal van hoe hy in dié prokureur wat misdadigers loskry verander het. 

Met die aanvang van die sesde seisoen, tel ons op waar die vyfde aflewering afgesluit het. Die eerste nege episodes speel in 2004 af – vier jaar voordat Jimmy McGill/Saul Goodman uiteindelik vir Walter White (Bryan Cranston) en Jesse Pinkman (Aaron Paul) in die eerste seisoen van Breaking Bad sou ontmoet. Dis dan hier waar die tydlyne van die twee reekse mekaar ontmoet en kruis. Die laaste lot episodes van die reeks speel in 2010 af. Dís weer ná die gebeure van Breaking Bad, met Saul wat weer ’n nuwe identiteit aangeneem het en as Gene Takavic van die gereg wegkruip.

Ook in die rolverdeling is onder andere Rhea Seehorn, Tony Dalton, Giancarlo Esposito en Jonathan Banks.

Vanaf 5 September om 22:00 op Me (DStv-kanaal 115), DStv Online en Catch Up.

Wat, waar en wanneer?

Ons kies en keur die beste plaaslike en internasionale sepies, reeks en flieks om nou op Showmax, DStv en Netflix te kyk.

Sien ook Meer

Jy sal hou van:

kykNET se nuwe mini-dramareeks is ’n verhaal van verlies, vergifnis en hoop

Twee mans se paaie kruis in ’n ondersteuningsgroep ná die verlies van geliefdes. kykNET se 'Elke donker wolk' verken hoe ’n onverwagse vriendskap ruimte skep vir vergifnis, genesing en hoop.

Meer

Rubriek: Gaan griffel in Ouma se resepteboek! ‘Kokkedoor: Klassiek’ is terug! 

Ná ’n voorskou van die eerste episode laat 'Kokkedoor: Klassiek' vir Marteni Burger verlang na haar ouma se resepte én sien sy uit na nog skeppies nostalgie - met ’n knippie kombuisdrama en verrassende kinkels daarby.

Meer

Van die veld tot die kelder – kuier dié November saam met VIA

Van wildplase en wynkelders tot huise met karakter: VIA se November-aanbod beloof vars ontdekkings. Kuier saam met Shari Kennedy, Leandie du Randt, Frank Rautenbach en JP Quickelberge, en leer ken die mense, stories en plekke wat Suid-Afrika so besonders maak.

Meer

Chanél Muller oor ‘Sy, die meeue en die Heilige Gees’

"Enige persoon se geloofsreis is ’n baie persoonlike reis, en dit gebeur alles baie innerlik", sê Chanel Muller, die skrywer, regisseur en vervaardiger van die kykNET-reeks 'Sy, die meeue en die Heilige Gees'.

Meer
Sien alle opsies