Kaley Cuoco (The Flight Attendant) en Chris Messina (Sharp Objects) is ’n prettige duo in Based on a True Story. Dié donker komedie skeer die gek met Amerika (en die res van die wêreld) se beheptheid met true crime.
Die tweede seisoen van Based on a True Story begin sowat drie maande ná Ava (Cuoco) en Nathan Bartlett (Messina) se babatjie gebore is.
Ava probeer hard om nét op ma-wees en haar gesin te fokus, maar haar obsessie met ware misdaad eet aan haar… Dít terwyl geliewe Nathan (Chris Messina, The Mindy Project) private tennislesse gee. Maar dis nie lank nie of ’n nuwe rits moorde laat haar oë rek… Is reeksmoordenaar Matt (Tom Bateman) ook vir dié bloedspoor verantwoordelik?
Kritici én gehore is vol lof vir die tweede seisoen met The Fiction Department wat dit as die “sweet centre of dark comedy” beskryf.
Dis voluit (donker) pret.
Albei seisoene van die reeks is nou op Showmax beskikbaar om te stroom.
