Dié misdaadkomedie Deadloch bestaan uit agt episodes, en is deur Kate McCartney en Kate McLennan geskep.
Die twee Kate’s se storie speel af in ’n klein kusdorpie in Australië, Deadloch. Dis ’n rustige dorpie waar nie veel gebeur nie. Wel, minstens totdat ’n plaaslike inwoner dood op die strand gevind word. Twee speurders begin dan die saak ondersoek.
Daar’s die plaaslike sersant, Dulcie Collins, en dan ’n senior ondersoekbeampte, Eddie Redcliffe, wat van Darwin ingebring word. ’n Oorywerige junior konstabel, Abby, is ook heeltemal te opgewonde om met die ondersoek te help.
FILMINK meen die reeks is ’n moet-sien vir diegene wat ’n goeie raaisel geniet en Aussie humorsin waardeer.
Vanaf Vrydag, 2 Junie 2023, op Amazon Prime Video.
