The Umbrella Academy is ’n eksentrieke reeks met ’n wrang humorsin. Hopelik bou die derde seisoen voort op die fyn balans tussen aksie en die karakters se emosionele ontwikkeling in die vertelling.
The Umbrella Academy is gegrond op die gelyknamige comics deur Gerard Way en geïllustreer deur Gabriel Bá. Die storie speel af in ’n alternatiewe realiteit waarin 43 vroue van reg oor die wêreld op 1 Oktober 1989 geboorte skenk. Die kinkel? Nie een van dié vroue het enige tekens van swangerskap getoon tot die oomblik wat hulle – nogal gelyktydig ook nog – begin kraam het nie.
’n Aweregse miljardêr, Sir Reginald Hargreeves, neem dan sewe van dié babas aan. Dié lot word dan ’n tipe “superheld-gesin” soos hul spesiale magte ontwikkel en hul opleiding as deel van Hargreeves se Umbrella Academy ontvang. Hargreeves gee egter nie eens vir die kinders name nie. Dis hul robot-ma, Grace, wat ses van die kinders later as Luther, Diego, Allison, Klaus, Ben en Vanya doop. (Kind 5 het maar net Five gebly…) Die verhoudings tussen die “sibbe” is deur die bank kompleks en morsig. Dinge raak net meer ingewikkeld as hulle uitvind die einde van die wêreld is op hande. Hulle het geen ander opsie as om kragte saam te span nie.
Die rolverdeling sluit in: Emmy Raver-Lampman as Allison Hargreeves, Elliot Page as Vanya, Tom Hopper as Luther Hargreeves, Aidan Gallagher as Five, David Castañeda as Diego Hargreeves en Robert Sheehan as Klaus Hargreeves.
Kyk ook:
Kry Netflix met DStv
DStv-intekenare kan met die nuwe Explora Ultra toegang tot Netflix kry. Kry dit nou →
