By die kykNET Silwerskermtoekennings vir Film en TV is Silwerskermbeeldjies uitgedeel aan akteurs, TV-aanbieders en filmmakers met Hen wat die meeste toekennings in die speelfilm-afdeling gewen het, en Nêrens, Noord-Kaap wat weer aan die voorpunt in die TV-afdeling was. Beide is projekte van die storieskepper Nico Scheepers.
Daar is ook erkenning gegee aan legendes in die vermaaklikheidswêreld. Vroeër die dag by The Bay-hotel, die tuiste van die Silwerskermfees, is die tegniese toekennings wat op feesinhoud fokus, vir vanjaar se films uitgedeel.
KykNET het Leon Schuster, wat al vir vier dekades diep spore in die filmbedryf getrap het, en die veelsydige Vinette Ebrahim, wat veral as sepie-aktrise volksbesit geword het, vir hul lewensbydraes vereer. Marida Swanepoel, onder meer ’n stigterslid van kykNET, is ook gehuldig.
Waldimar Pelser, direkteur: M-Net Premium kanale, sê dat ’n gesonde kykNET nog vir baie, baie jare stories in Afrikaans sal vertel. “Daar is dus ’n blink toekoms vir enigiemand wat as vennote hierdie heerlike raaisel probeer oplos: Wat gaan in die harte en koppe van kykers aan? Wat is dit wat regtig saak maak? Wat sal ons mense laat terugkom vir meer? Ons alleen het nie al die antwoorde nie, en daarom is die vindingrykheid van storievertellers van onskatbare waarde.”
Volgens Waldimar is daar ook talle nuwe tendense wat in vanjaar se films merkbaar was. “Die sielkundige gruwel Hen verskuif grense in tegniek, genre en aanslag – ons kan nie wag om die reaksie van gehore te sien nie,” sê hy.
“Terwyl die vere waai in Hen, waai die klere in Showmax se Khaki Fever. Met Khaki Fever is dit opwindend om te sien hoe stromingsdienste die grense van Afrikaanse vermaak herverbeel.”
Daar is ook by die toekennings onthul dat ’n dokumentêre reeks oor Leon Schuster van 1 Oktober af op kykNET gaan uitsaai, terwyl talle van sy films vanaf September op M-Net gaan wys.
Die kykNET Silwerskermtoekennings vir Film en TV word op Sondag 24 Augustus om 19:00 op kykNET (DStv-kanaal 144) uitgesaai.
Die wenners in die TV-kategorieë
Beste hoofspeler in ’n komedie
- Bianca Flanders – Mince jou hare (S1)
Beste byspeler in ’n komedie
- Tobie Cronjé – Pronk Primêr (S1)
Beste akteur in ’n drama
- Frank Opperman – Nêrens, Noord-Kaap (S2)
Beste aktrise in ’n drama
- Ilse Klink – Nêrens, Noord-Kaap (S2)
Beste manlike byspeler in ’n drama
- Geon Nel – Nêrens, Noord-Kaap (S2)
Beste vroulike byspeler in ’n drama
- Daneel van der Walt – Nêrens, Noord-Kaap (S2)
Beste akteur in ’n telenovela of sepie
- Justin Strydom – Diepe waters (S3)
Beste aktrise in ’n telenovela of sepie
- Nadia Valvekens – Diepe waters (S3)
Beste byspeler in ’n telenovela of sepie
- Therese Bam – Wyfie (S2)
Beste nuweling in ’n telenovela of sepie
- Mila de Villiers – Reënboogrant (S1)
Beste aanbieder van ’n vermaaklikheidsprogram
- Emo Adams – Oppie noot
Beste aanbieder van ’n leefstylprogram (gekombineerd met sommige gesels- en joernaalprogramme)
- Hannon Bothma – Glam guru
Beste aanbieder van ’n aktuele- of geselsprogram
- Lourensa Eckard – In gesprek (S9)
Beste aanbieder van ’n realiteitsprogram
- Bertus Basson & Kobus Botha – Kokkedoor: Vuur & vlam
Beste ensemble-aanbiederspan
- Breyton Paulse, Hamilton Wessels, Rika Nieuwoudt, Rikus de Beer, Janina Oberholzer, Jean de Villiers, Jonathan Mokuena, Jannie du Plessis, Tommy Dickson (Chef Vaatjie) – Toks & tjops
Die wenners in die speelfilm-kategorieë:
Beste draaiboek in ’n speelfilm
- Nico Scheepers, Hen
Beste oorspronklike klankbaan in ’n speelfilm
- Tapiwa Musvosvi, The Heart is a Muscle
Beste klankontwerp in ’n speelfilm
- Tim Pringle, Hen
Beste kinematografie in ’n speelfilm
- Chris Lotz, Hen
Beste redigering in ’n speelfilm
- Regardt Botha, Hen
Beste grimering en haarstilering in ’n speelfilm
- Jolene Cilliers, Hen
Beste kostuumontwerp in ’n speelfilm
- Sulet Meintjes, Hen
Beste produksieontwerp in ’n speelfilm
- Sumaya Wicomb, Finding Optel
Beste regie in ’n speelfilm
- Nico Scheepers, Hen
Beste manlike byspeler in ’n speelfilm
- Francois Jacobs, Khaki Fever
Beste vroulike byspeler in ’n speelfilm
- Zandélle Meyer, My f*k, Marelize!
Beste akteur in ’n speelfilm
- Stian Bam, Hen
Beste aktrise in ’n speelfilm
- Je-ani Swiegelaar, My f*k, Marelize!
Beste speelfilm
- The Heart is a Muscle
Die wenners in die kortfilm-kategorieë
Beste draaiboek vir ’n kortfilm deur ’n opkomende filmmaker
- Anél Wood, Min of meer
Beste regie in ’n kortfilm deur ’n opkomende filmmaker
- Cindy Swanepoel, Min of meer
Beste kortfilm deur ’n opkomende filmmaker
- Min of meer
Beste kinematografie in ’n kortfilm
- Chris Lotz, Hier
Beste redigering in ’n kortfilm
- Regardt Visser, Totsiens, Selina
Beste akteur in ’n kortfilm
- David Viviers, Hier
Beste aktrise in ’n kortfilm
- Liezl de Kock, Min of meer
Beste kortfilm deur ’n gevestigde filmmaker
- Totsiens, Selina
Die wenners in die dokumentêr-kategorieë:
Beste regie in ’n kort dokumentêr
- Danielle McDonald, Vet vannie land
Beste redigering in ’n kort dokumentêr
- Jurg Slabbert, Vet vannie land
Beste kort dokumentêr
- Vet vannie land
