4 Mure herinner aan die wetenskapfiksie-rillerreeks Room 104…dalk selfs ’n bietjie te veel.
Terwyl Room 104 vreemde verhale oor die gebeure in kamer 104 van ’n lughawe-hotel vertel, handel 4 Mure eerder oor die Hotel 4M se nuuskierige skoonmaker, kelner en ontvangspersoon, Marcelina (Lida Botha).
In elke episode word daar by die hotel se nuwe gaste gespook. Kamer 7 is waar die euwels afspeel, met die stories wat tussen die hede en verlede spring.
Die draaiboek en kinematografie is onheilspellend. Dit is immers geskep, geskryf en vervaardig deur Tertius Kapp wat ook vir die ysingswekkende reeks, Die Spreeus, verantwoordelik is.
Kyk dit op Showmax.
