Menu terloops

Spooksoeker S1

Op Showmax [Gepubliseer op 9 Dec 2024]


Rico Immelman het sy eerste hoofrol in ’n TV-reeks losgeslaan as Warno Alberts in die Showmax-tienerreeks, ‘Spooksoeker’.

Stroom op Showmax

Spooksoeker S1

Spooksoeker is gegrond op die veelbekroonde skrywer François Bloemhof se topverkoperboeke vir jong volwassenes, en volg die storie van Warno Alberts (Rico Immelman), wat met sy vyftiende verjaardag skielik van spoke in sy dorpie bewus raak… En dan besef dat hy die een is wat van hulle moet ontslae raak. 

Zarelda de Bruin is te sien in haar eerste TV-rol as die girl-next-door Melissa. Joshwin Dyson, wat met sy uithalerspel in Old Righteous Blues, beïndruk het, speel Warno se beste vriend, Allies.

Die res van die rolverdeling lees soos ’n droom: Roeline Daneel, Laudo Liebenberg, June van Merch, Morné Visser, Daneel van der Walt, David Isaacs, Deon Coetzee, Ira Blanckenberg, Ivan Zimmerman, Izel Bezuidenhout, Jane de Wet, Terence Bridgett, Marguerite van Eeden en Waldemar Schultz maak almal verskynings in die reeks – sommige as spoke…

Die Starscape Motion Pictures-produksiespan het ’n ewe sterbelaaide reeks agter die kamera saamgestel. Dié span sluit in die regisseur Jan-Hendrik Burger (Edik van Nantes), SXSW Zeiss Cinematography Award-wenner Jorrie van der Walt (Gaia) en Safta-bekroonde komponis Daniel Eppel (Steinheist). Safta-wenners Franci van den Heeven (Fynskrif, Die Byl) en Pippa Heimann (Suidooster) was vir onderskeidelik die produksie- en kostuumontwerp verantwoordelik. 

Die VFX (visuele effekte) word deur Fox and Wizard behartig, met dié span wat deur Jonathan Alenskas gelei word. Alenskas is vir ’n Visual Effects Society-toekenning vir sy werk op Warrior benoem.


Stroom Spooksoeker S1 op Showmax.

Wat, waar en wanneer?

Ons kies en keur die beste plaaslike en internasionale sepies, reeks en flieks om nou op Showmax, DStv en Netflix te kyk.

Sien ook Meer

Jy sal hou van:

kykNET se nuwe mini-dramareeks is ’n verhaal van verlies, vergifnis en hoop

Twee mans se paaie kruis in ’n ondersteuningsgroep ná die verlies van geliefdes. kykNET se 'Elke donker wolk' verken hoe ’n onverwagse vriendskap ruimte skep vir vergifnis, genesing en hoop.

Meer

Rubriek: Gaan griffel in Ouma se resepteboek! ‘Kokkedoor: Klassiek’ is terug! 

Ná ’n voorskou van die eerste episode laat 'Kokkedoor: Klassiek' vir Marteni Burger verlang na haar ouma se resepte én sien sy uit na nog skeppies nostalgie - met ’n knippie kombuisdrama en verrassende kinkels daarby.

Meer

Van die veld tot die kelder – kuier dié November saam met VIA

Van wildplase en wynkelders tot huise met karakter: VIA se November-aanbod beloof vars ontdekkings. Kuier saam met Shari Kennedy, Leandie du Randt, Frank Rautenbach en JP Quickelberge, en leer ken die mense, stories en plekke wat Suid-Afrika so besonders maak.

Meer

Chanél Muller oor ‘Sy, die meeue en die Heilige Gees’

"Enige persoon se geloofsreis is ’n baie persoonlike reis, en dit gebeur alles baie innerlik", sê Chanel Muller, die skrywer, regisseur en vervaardiger van die kykNET-reeks 'Sy, die meeue en die Heilige Gees'.

Meer
Sien alle opsies