Of hy stilletjies in die agtergrond vir Rachel geloer het, of stilletjies in die agtergrond vir haar jongste lat (of vir Ross) gegluur het, Gunther was ’n onmiskenbare deel van die sitkom Friends.
Die akteur wat grommige Gunther op die TV-skerm lewe gegee het, James Michael Tyler, is in die ouderdom van 59 jaar ná ’n stryd teen prostaatkanker oorlede. Hy is in 2018 gediagnoseer.
As ’n randkarakter – ’n kelner en restaurantbestuurder wat dikwels net in die agtergrond te sien is as Phoebe, Monica, Chandler, Rachel, Ross en Joey ontelbare koppies koffies in Central Perk drink – het Gunther ’n onwaarskynlike indruk gemaak. Soveel so dat hy later die “sewende vriend” genoem is.
Gunther se komiese verliefdheid op Rachel was een van die reeks se goue drade wat oor elk van die 10 seisoene grappe opgelewer het.
Jennifer Aniston, wat die rol van Rachel vertolk het, het op Instagram aan James hulde gebring. “Friends sou nie dieselfde sonder jou wees nie. Dankie vir die lag wat jy na die program en in ons almal se lewe gebring het. Jy sal gemis word.”
Al was sy verskynings blitsig, en al het hy net soms ’n woord se dialoog gehad, was Gunther se onbeindrukte gesigsuitdrukking dikwels meer as genoeg om kykers te laat skater. Hier is van ons gunsteling Gunther-oomblikke.
Kyk ook die spesiale reünie-episode op Showmax.
1
“I dropped a cup…”
2
“Put the mouse back in the house”
3
“Ezel? Ezel!”
4
“I saved up for 350 years”
5
“Is this a snake or something?”
6
“Kiss me!”
Kry Netflix met DStv
DStv-intekenare kan met die nuwe Explora Ultra toegang tot Netflix kry. Kry dit nou →
