“Hulle is besonderse sout-van-die-aarde-mense wat liefde verdien.” Só beskryf die nuwe Boer soek ’n vrou-aanbieder, Reandi Grey, die gros boere wat deel van die 17de seisoen van dié reeks uitmaak. Hier is jou handige kykgids vir wat om in elke episode te verwag.
Donderdag 7 Augustus
Reandi ontmoet die 10 boere
Tien enkellopende boere soek pasmaats! Dié welbekende realiteitsreeks, aangebied deur Reandi Grey, volg tien boere se soeke na die liefde.
Donderdag 14 Augustus
Die briewe
Reandi val weer in die pad om die tien boere se briewe af te lewer. Binne 24 uur moet die vyf boere met die meeste briewe tien pasmaats kies om in die Kaap te ontmoet.
Donderdag 21 Augustus
Blitsafsprake
Van reg oor die land kom die pasmaats vir ’n kort maar kragtige kennismaking met die boer van hul keuse. Elkeen kry presies vyf minute om met hul boer te gesels, daarna word vyf gekies.
Donderdag 28 Augustus
Groepafsprake
Vandag kry ons boere ’n bietjie meer tyd om sy vyf pasmaats beter te leer ken. Hy moet drie pasmaats kies wat op die plaas gaan kuier vir ‘n week en wie weet, dalk is een van hullie dié een.
Donderdag 4 September
Plaasbesoek
Die pasmaats arriveer op die plase. Hulle gaan vir ’n week lank saam met die boer woon en werk, en kyk of liefde wel kan ontwikkel tussen een van die paartjies.
Donderdag 11 September
Drie kuiergaste op die plaas: Deel 1
Die boere neem hul pasmaats op ’n avontuur weg van die plaas af om te kyk of verhoudings kan groei. Verassende nuus vang die boere onkant.
Donderdag 18 September
Drie kuiergaste op die plaas: Deel 2
Die boere neem hul pasmaats op ’n avontuur weg van die plaas af om te kyk of verhoudings kan groei. Verassende nuus vang die boere onkant.
Donderdag 25 September
Alleentyd
Dit is die laaste volle dag op die plaas. Die spanning laai op, want elke boer moet binnekort weer ’n keuse maak. Almal kry tyd om individueel met mekaar te gesels.
Donderdag 2 Oktober
Die familiebraai
Daar is nou net twee pasmaats op die plaas oor. Die boere nooi ook vriende en familie oor vir ’n braai sodat hulle die pasmaats kan ontmoet en ook hul opinie kan vorm.
Donderdag 9 Oktober
Reandi neem die pasmaats op ’n dorpsbesoek
As mens deel raak van ’n boer se lewe, raak jy ook deel van die omgewing. Reandi besoek ’n paar liefdadigheidsorganisasies en plekke in nood met die pasmaats. Kan die pasmaats hulself hier sien aanpas?
Donderdag 16 Oktober
Die finale keuse
Dis tyd vir die boer om te besluit, maar is beide pasmaats nog gretig om die boer se vrou te word? Vandag kies die boer dié vrou wat moontlik die liefde van sy lewe kan wees.
Donderdag 23 Oktober
Die skoonfamilie
Dit is tyd vir die boere om hul gekose vroue se familie en vriende te ontmoet. As die kennismaking met die skoonfamilie goed afloop, is daar dalk hoop vir ’n gelukkige toekoms saam…
Donderdag 30 Oktober
Die vakansie
Die boere en hul pasmaats gaan hou vakansie. Tydens die vakansie kry die boere en hul pasmaats kans om mekaar goed te leer ken – weg van die plaas, weg van familie en vriende.
Donderdag 6 November
Die reünie
Al tien boere kom vir ’n eerste en ook laaste keer bymekaar. Ons vind uit wie van ons tien boere liefde aan die einde van die reeks gevind het.
Die 17de seisoen van Boer soek ’n vrou begin op Donderdag 7 Augustus om 20:00 op kykNET en DStv Stream (DStv-kanaal 144). Kyk solank Boer soek ’n vrou S14-S16 op Showmax.
