Menu terloops
In TV [13 Mar 2026]

‘Carte Blanche’ dié Sondag: Babaredders en oorlogsvure


In vandeesweek se episode van ‘Carte Blanche’ word daar onder meer ondersoek ingestel na Suid-Afrika se betrokkenheid by die oorlog in Oekraïne en die helde by ’n Kaapse hospitaal wat veg vir die lewens van pasgebore babatjies. 

Deur Redaksie
‘Carte Blanche’ dié Sondag: Babaredders en oorlogsvure

Sondag 15 Maart 19:00 op Carte Blanche ondersoek die span die lot van Suid-Afrikaners op die voorste linies van die oorlog in Oekraïne, die verval van Nelson Mandelabaai weens miljarde rande se wanbesteding, en stel ook die onbesonge helde van Mowbray-kraamhospitaal – wat veg vir die lewens van duisende pasgeborenes – bekend. 

Van Pretoria na die Oekraïense front

Op negentienjarige ouderdom het sy by ’n ambassade in Pretoria ingestap. Dae later was sy op pad na ’n oorlog. Vandag is sy die eerstehandse bewys dat Oekraïne ons burgers na die voorste linies van dié oorlog gestuur het. Namate die harde werklikheid ingesink het, het sy na Spanje gevlug waar sy tans in limbo leef danksy die regstelsel. Dít terwyl ander Suid-Afrikaners wat saam met die Russiese magte geveg het bloot kon terugkeer huis toe. Nou ontstaan die vraag oor of diegene wat plaaslike wette rakende buitelandse militêre bystand oortree, wel vervolg sal word?

Baai van gebroke beloftes

Die gebrek aan deursigtigheid wat die toeken van tenders betref, is bloot ’n simptoom van ’n dieperliggende krisis in Nelson Mandelabaai. Met duisende straatligte wat donker is en ’n rekordbedrag van R30 miljard in ongemagtigde en verkwiste besteding, wonder inwoners of dié stad weens wanbestuur gaan vou.

Die Engele van Mowbray-kraamhospitaal

Byna 10 000 babas word jaarliks by die historiese Mowbray-kraamhospitaal gebore. Ten spyte van krimpende begrotings en ’n gebou wat sy ouderdom wys, veg ’n span toegewyde vroue – verpleegsters, vroedvroue en dokters – daagliks vir die lewens van babas wat dikwels te vroeg en met ’n enorme stryd gebore word. Dit is ’n verhaal van hoop en deursettingsvermoë waar die toekoms van klein mensies in die hande van onbesonge helde geplaas word.


Carte Blanche word Sondae om 19:00 op M-Net en DStv Stream (DStv-kanaal 101) uitgesaai. Dit is ook op Catch Up beskikbaar.

Wat, waar en wanneer?

Ons kies en keur die beste plaaslike en internasionale sepies, reeks en flieks om nou op Showmax, DStv en Netflix te kyk.

Sien ook Meer

Jy sal hou van:

kykNET se nuwe mini-dramareeks is ’n verhaal van verlies, vergifnis en hoop

Twee mans se paaie kruis in ’n ondersteuningsgroep ná die verlies van geliefdes. kykNET se 'Elke donker wolk' verken hoe ’n onverwagse vriendskap ruimte skep vir vergifnis, genesing en hoop.

Meer

Rubriek: Gaan griffel in Ouma se resepteboek! ‘Kokkedoor: Klassiek’ is terug! 

Ná ’n voorskou van die eerste episode laat 'Kokkedoor: Klassiek' vir Marteni Burger verlang na haar ouma se resepte én sien sy uit na nog skeppies nostalgie - met ’n knippie kombuisdrama en verrassende kinkels daarby.

Meer

Van die veld tot die kelder – kuier dié November saam met VIA

Van wildplase en wynkelders tot huise met karakter: VIA se November-aanbod beloof vars ontdekkings. Kuier saam met Shari Kennedy, Leandie du Randt, Frank Rautenbach en JP Quickelberge, en leer ken die mense, stories en plekke wat Suid-Afrika so besonders maak.

Meer

Chanél Muller oor ‘Sy, die meeue en die Heilige Gees’

"Enige persoon se geloofsreis is ’n baie persoonlike reis, en dit gebeur alles baie innerlik", sê Chanel Muller, die skrywer, regisseur en vervaardiger van die kykNET-reeks 'Sy, die meeue en die Heilige Gees'.

Meer
Sien alle opsies