Hier is ’n voorsmakie van wat jy hierdie maand in Binnelanders kan verwag.
Vrydag, 1 November
Joe en Ella voel albei skuldig oor Yvonne, Thalia vind ’n verdere bewys van Tracy se “ontrouheid”, en Nicolette word ontstel deur gerugte wat Binneland Stereo versprei.
Maandag, 4 November
Rudolf het ’n versoek van Nicolette se ouma af. Louis deel sy vermoede met Naomi, en Joe en Jess maak vrede.
Dinsdag, 5 November
Nicolette ontvang verrassende nuus wat Uys van plan laat verander. Tracy en Tertius besluit om vir Audrey en Shane te groet, en Joe begin wonder oor Max se ware gevoelens.
Woensdag, 6 November
Joe vermoed daar is iets meer aan die broei tussen Yvonne en Max as net blote vriendskap. Ella maak ’n moeilike diagnose wat Henry beïndruk. Thalia wonder oor LJ se toekomsplanne.
Donderdag, 7 November
Joe en Jess verskil oor ’n moontlike verhouding tussen Yvonne en Max. Rudolf verras vir Nicolette, en Ella en Henry maak vrede.
Vrydag, 8 November
Louis en Naomi dink eindeksamen en muisneste is dalk nie ’n goeie kombinasie nie. Max pluk die wrang vrugte van ’n leuen wat hy 15 jaar gelede kwytgeraak het.
Maandag, 11 November
Nicolette voel skuldig ná ’n seremonie, Naomi loer by LJ in, en Max vertel uiteindelik vir Yvonne die waarheid.
Dinsdag, 12 November
Yvonne moet oop kaarte met Joe speel, LJ is bang hy staan nie ’n kans met Thalia nie, en Uys besluit om Rudolf te konfronteer wanneer hy sien hoe ontsteld Nicolette is.
Woensdag, 13 November
Nicolette kry wat sy nog altyd wou hê, maar moet ook ’n groot verlies verwerk. Yvonne neem ’n radikale besluit oor ’n ou vriendskap, en Henry ontvang ontstellende nuus.
Donderdag, 14 November
Conrad word onkant betrap wanneer Bets onverwags by sy huis opdaag. Henry en Delia stamp koppe oor Riekie, en Ella en Naomi is bly oor ’n nuwe verhouding.
Vrydag, 15 November
Bets is nie beïndruk met die nuwe liefde in Conrad se lewe nie. Joe en Nicolette irriteer mekaar alweer, en Riekie blameer haar pa vir alles.
Maandag, 18 November
’n Hospitaalreël het verrykende gevolge vir Riekie. Conrad is nie heeltemal opgetrek met die ware rede vir Bets se besoek nie, en Max se pogings om uit te reik na die Oliviers misluk.
Dinsdag, 19 November
Conrad is agterdogtig oor Bets, Riekie se vreemde gedrag ontstel vir Cecile, en Max se poging om Joe te help, lei tot konflik.
Woensdag, 20 November
Bets bied aan om na Malie te kyk, en Joe se plan om meer tyd saam met Fiona te spandeer, word in die wiele gery. Henry ontvang slegte nuus oor Riekie.
Donderdag, 21 November
’n Vreemde reaksie van ’n pasiënt krap erg aan Henry. Tracy vat Bets vas oor haar houding. Joe begin al meer voel asof hy in ’n blik gedruk word.
Vrydag, 22 November
Uys ondersteun vir Nicolette. Bets is hewig ontsteld om te hoor Tracy het destyds vir Conrad gejok oor wie Leah se biologiese pa is, en Hugo deel slegte nuus met Henry.
Maandag, 25 November
Bets sit haar volgende plan in werking, en Joe staan sy man teen Max en sy ma. Riekie neem ’n drastiese besluit, en Henry is verskeurd oor hoeveel inligting hy vir haar moet gee.
Dinsdag, 26 November
Joe sien iets wat hom hond se gedagtes oor Fiona gee. Bets laai ’n onverwagse krisis op Conrad se skouers, en Henry neem desperate besluite oor Riekie.
Woensdag, 27 November
Henry vra vir Riekie of sy bereid is om haar situasie met Ella te bespreek, en Uys staan Nicolette by ’n begrafnis by. Conrad beskuldig Bets van geldgierigheid.
Donderdag, 28 November
Ella ontdek ’n nare verrassing in die linnekamer, en Yvonne konfronteer Max oor sy leuens. Conrad voel jammer vir Bets en moet vir Delia ’n guns vra.
Vrydag, 29 November
Joe konfronteer uiteindelik ’n ‘spook’ uit die verlede. Riekie neem ’n groot besluit, en Bets bekonkel ’n nuwe plan.
Nuwe episodes van Binnelanders word vanaf Maandag tot Vrydag om 19:30 op kykNET en DStv Stream (DStv-kanaal 144) uitgesaai. Daar is ook elke aand ’n herhaling van die episode om 23:30, asook Dinsdag tot Vrydag om 08:30.
Episodes van die vorige seisoen van Binnelanders word vanaf Maandag tot Vrydag om 22:00 op kykNET&kie. (DStv-kanaal 145) uitgesaai, met herhalings van dié episode om 01:00 die volgende dag. Daar is ook ’n omnibus van die week se episodes op ’n Saterdag om 10:30.
Seisoene 8-12 van Binnelanders is op Showmax beskikbaar. Die huidige seisoen is nie beskikbaar op die plaaslike weergawe van dié diens nie.
