Hier is ’n voorsmakie van wat jy hierdie maand in Binnelanders kan verwag.
Woensdag, 1 Januarie
Elise maak uiteindelik haar opwagting, Bonnie besef Karen het moontlik ’n nuwe kêrel, en Delia vra Louis se hulp. Laetitia se gesondheid gaan al meer agteruit.
Donderdag, 2 Januarie
Uys is verward oor Cecile se vreemde optrede teenoor hom, Louis is gespanne oor die komende hofsaak, en Elise nooi Annetjie vir ete in ’n poging om vrede te maak.
Vrydag, 3 Januarie
Laetitia weier om ’n operasie te laat doen, en Delia probeer ingryp. Elise is geskok wanneer sy verstommende nuus van binnelandse sake ontvang, en Louis kan nie sy ma in Londen besoek nie.
Maandag, 6 Januarie
Laetitia neem ’n belangrike besluit, en Henry vermy Ella. Elise se volgende besoek aan binnelandse sake lewer niks goed op nie, en Louis word gedreig.
Dinsdag, 7 Januarie
Elise probeer regsadvies inwin, en Louis wil Naomi met alle mag landuit kry. Laetitia word nie wakker nie.
Woensdag, 8 Januarie
Louis is bekommerd dat die orgaanhandel-sindikaat nog aktief is. Elise is verbaas om te hoor sy het moontlik ’n besoeker uit Italië, en dit lyk of Rian weer sy oog op ’n dame het.
Donderdag, 9 Januarie
LJ vind iets wat kan help om Emile op te spoor, en Louis ontvang vreemde oproepe. Uys en Cecile speel kat en muis, en At vrees vir Laetitia se gesondheid.
Vrydag, 10 Januarie
Louis raak al meer desperaat, en LJ vermoed daar is meer aan die broei tussen Ella en Rian as wat Ella wil erken. Elise leer Marco beter ken en raak al meer nuuskierig oor hom..
Maandag, 13 Januarie
Binneland se nuwe ongevalle-eenheid word bekendgestel. Marco kry dit reg om selfs vir Uys om sy pinkie te draai. Louis vrees die ergste wanneer hy nuus oor Emile kry.
Dinsdag, 14 Januarie
Laetitia raak toenemend gefrustreerd, en At wonder of hy ’n fout begaan het. Louis vra Delia se hulp met Thalia, en Annetjie wonder oor Marco se motiewe.
Woensdag, 15 Januarie
Bonnie dink Elise het iets beet, en Louis neem ’n belangrike besluit oor LJ. Rian maak ’n onverwagse voorstel.
Donderdag, 16 Januarie
Louis se planne om inligting te bekom, word in die wiele gery. Annetjie kan haar vermoedens oor Marco nie laat gaan nie en word op heterdaad betrap. At kry goeie nuus oor Laetitia se navorsing.
Vrydag, 17 Januarie
Louis raak al meer gespanne oor dreigemente. Tertius en Tracy kry ’n besoek van ’n ou bekende voor die troue. Elise begin stilweg wonder oor Marco se agenda.
Maandag, 20 Januarie
Gaby is op ’n missie met Tracy se kombuistee. Is Marco wie hy sê hy is? Delia dink Louis is besig om beheer te verloor, en roep Jolene se hulp in.
Dinsdag, 21 Januarie
’n Identiteitsdokument raak ’n bron van groot kommer vir Elise en Annetjie, en Tracy se kombuistee hou verrassings in vir meer as net die amper-bruid.
Woensdag, 22 Januarie
Cecile deel haar vermoedens oor Louis met Uys, Gaby is ontsteld oor ’n siener se voorspellings, en Lukas vind uit wie Elise se Italiaanse man regtig is.
Donderdag, 23 Januarie
Elise sukkel om haar front voor Marco te hou, maar nooi hom vir ete. Uys konfronteer Louis oor sy vreemde gedrag rondom Cecile, en Louis voel genoop om die waarheid te vertel.
Vrydag, 24 Januarie
Tracy en Gaby besef hulle het moontlik met iets ‘donkerder’ te doen as wat hulle gedink het. ’n Nóg meer gespanne Louis lig Joe subtiel in dat hulle selfs nie by die huis veilig is nie.
Maandag, 27 Januarie
Louis het ’n guns van Uys nodig, en Henry is gespanne oor ’n hofaansoek. Nóg ’n voorspelling word waar.
Dinsdag, 28 Januarie
Tertius besef Tracy is steeds ontsteld oor Carlotta se voorspellings. Die Binneland-personeel is in rep en roer oor Rian, en Ella probeer steeds om Henry te ondersteun.
Woensdag, 29 Januarie
Uys verloor dit heeltemal as hy agterkom wat Rian-hulle beplan. Henry vra Ella se hulp met Riekie, en dit lyk asof Louis se plan boemerang.
Donderdag, 30 Januarie
Rian probeer Petro dwing om haar aandeel aan ’n misdaad te erken. Tracy is nog meer verward wanneer Tertius haar van sy gesprek met Carlotta vertel, en Thalia help vir Ella.
Vrydag, 31 Januarie
Iemand daag onverwags by Louis op, en Henry is oorstelp wanneer hy Riekie se kamer sien. Tracy besef haar ma is moontlik in die moeilikheid.
Nuwe episodes van Binnelanders word vanaf Maandag tot Vrydag om 19:30 op kykNET en DStv Stream (DStv-kanaal 144) uitgesaai. Daar is ook elke aand ’n herhaling van die episode om 23:30, asook Dinsdag tot Vrydag om 08:30.
Episodes van die vorige seisoen van Binnelanders word vanaf Maandag tot Vrydag om 22:00 op kykNET&kie. (DStv-kanaal 145) uitgesaai, met herhalings van dié episode om 01:00 die volgende dag. Daar is ook ’n omnibus van die week se episodes op ’n Saterdag om 10:30.
Seisoene 8-12 van Binnelanders is op Showmax beskikbaar. Die huidige seisoen is nie beskikbaar op die plaaslike weergawe van dié diens nie.
