In The Righteous Gemstones, preek en bid en doen die mega-beroemde televangelist-familie, die Gemstones liefdadigheidswerk like it’s nobody’s business… Als terwyl hulle eintlik hul bediening gebruik om hulself te verryk.
Practice what you preach nie? Ha! Dis heerlik snaaks, terwyl dit ook dien as sosiale kommentaar op die berugte verskynsel van TV-predikers.
Met die aanvang van die derde seisoen kry die Gemstone-kinders uiteindelik hul sin en neem beheer oor al die kerksake. Hulle kom gou agter dat dié besigheid veel meer moeisaam is as wat dit gelyk het en dat hul luukse lewe eintlik teen ’n (helse, pun very intended) hoë prys kom.
Steve Zahn (The White Lotus) en Kristen Johnston (3rd Rock from the Sun, Mom), sluit by dié seisoen se rolverdeling aan.
Danny McBride (wat ook die reeks geskep en geskryf het), asook Adam Devine, Edi Patterson, Skyler Gisondo, John Goodman en Walton Goggins is terug in hul karakters se skoene.
Kyk al drie seisoene van The Righteous Gemstones op Showmax.
Die eerste twee episodes van die derde seisoen is op Maandag, 19 Junie 2023, op Showmax beskikbaar gestel. Daarna word episodes weekliks beskikbaar gemaak.
