In The Afterparty, geskep deur die Oscar-wenners Chris Miller en Phil Lord, verken elke episode van die reeks ’n ander karakter se weergawe van een noodlottige aand. Dit word dan ook vanuit hul perspektief vertel.
Terwyl die eerste seisoen om ’n moord by ’n hoërskoolreünie gedraai het, speel die noodlot in die tweede seisoen af by ’n troue. Die feesvieringe is egter van korte duur as die bruidegom vermoor word. Natuurlik is al die gaste verdagtes. Detective Danner (Tiffany Haddish) keer dan terug om Aniq (Sam Richardson) en Zoë (Zoe Chao) te help om dié whodunnit op te los.
Familielede, verliefdes en sakevennote word ondervra, met elke verdagte se weergawe van die naweek se gebeure wat met ’n spesifieke visuele styl vertel word.
Brian Tallerico van The Playlist meen “The Afterparty is steeds een van die snaakste programme op TV”. Beth Webb van Empire Magazine skryf op haar beurt: “Dit is ’n boeiende, dikwels sjarmante en ontsettende snaakse raaiselreeks wat steeds sy plek in die versadigde wêreld van whodunnits volstaan.”
Vanaf Woensdag, 12 Julie 2023, op Apple TV+.
