Elke week bring ons vir jou ’n opsommende voorskou oor al die drama, smart en skandale waarna jy op kykNET&kie se Turkse telenovelas, wat na Afrikaans oorgeklank is, kan uitsien. Hier is wat op Moederhart en Skerpioen gaan uitspeel.
Moederhart
Maandag, 26 Februarie
Ceylan konfronteer vir Zeynep en beskuldig haar daarvan dat sy speletjies met Ahmet se emosies speel. Muzaffer plaas druk op Nefise om minder vriendelik met die personeel te wees.
Dinsdag, 27 Februarie
Azime het haar hande vol om seker te maak Muzaffer vind nie die waarheid uit nie. ’n Laataand-skietery maak dít bykans onmoontlik.
Woensdag, 28 Februarie
Azime het haar hande vol met Zeynep wat aandring om haar ma in die hospitaal te sien. Suat is steeds op die vlug.
Donderdag, 29 Februarie
Emre word wakker in die hut van ’n bebaarde, versteurde man. Azime sukkel om Nefise in haar hospitaalbed te hou.
Moederhart word van Maandag tot Donderdag om 17:30 op kykNET&kie (DStv-kanaal 145) en DStv Stream uitgesaai.
Skerpioen
Maandag, 26 Februarie
Ahmet dwing Ferda om in sy dobbelhuis te werk. Ferda oortuig Duru om in ’n geveg met Ipek betrokke te raak.
Dinsdag, 27 Februarie
Ferda en Perihan gaan ’n weddenskap aan. Duru en ’n dronk Hakan word aangerand.
Woensdag, 28 Februarie
Ferda neem Ahmet na ’n begraafplaas om sy dogter te ontmoet. Aras probeer Duru oortuig dat Hakan haar nie liefhet nie.
Donderdag, 29 Februarie
Perihan is woedend omdat Ipek vir klein Ece by Ferda gelos het. Ahmet is rasend op soek na Aysem nadat dié verdwyn.
Skerpioen word van Maandag tot Donderdag om 20:00 op kykNET&kie (DStv-kanaal 145) en DStv Stream uitgesaai.
