Die BAFTA-wenner Katherine Parkinson (Jen in The IT Crowd) speel in die Australiese komedie-dramareeks, Spreadsheet. Sy vertolk Lauren, ’n pas geskeide ma van twee kinders, wat haar no strings attached-sekslewe met ’n spreadsheet bestuur.
Hoe anders moet sy by als uitkom? Lauren het immers ’n suksesvolle loopbaan as ’n prokureur, twee baie ongehoorsame, maar skreeusnaakse kinders en ’n effens, dog merkbaar, onbekwame eksman. Sy is BESIG. Maar selfs Excel het sy beperkinge… Daar is ook net soveel wat in kolomme en rye ingepas kan word.
Ook in Spreadsheet se rolverdeling tel Rowan Witt en Stephen Curry.
Vanaf 1 Augustus beskikbaar om op Showmax te stroom.
