Hier is ’n voorsmakie van wat jy volgende in Suidooster kan verwag.
Woensdag 1 April 2026
Bella word gedoop en Bennie het iets op die hart. Rhafiek word uit die hospitaal ontslaan, terwyl Riaan en die blondine se paaie die heeltyd kruis.
Donderdag 2 April 2026
Gary is opgewonde as hy hoor wie sy skenking vir die skool se veiling gekoop het, terwyl Amanda koue voete kry. Dis ’n bittersoet dag vir Elana en Susan.
Vrydag 3 April 2026
Riaan wil die blondine uitvra, terwyl Frankie ’n moeilike resep aandurf. Angie en Wade probeer mekaar verras, terwyl Willie arme Gary se ore van sy kop af praat.
Maandag 6 April 2026
Die spesiale Paasgeskenk wat Wade vir Angie gekoop het, het spoorloos verdwyn. Gary en Willie maak vriende, maar dan laat glip Bennie iets wat die oom geheim wou hou. Riaan wonder waar hy staan…
Dinsdag 7 April 2026
Riaan en die blondine maak geheime afsprake, maar gaan Frankie hulle uitvang? Daar is konflik tussen die kerk en ’n groep motorfietsryers, terwyl Gary se vriende bekommerd is oor sy vriendskap met Lourens.
Woensdag 8 April 2026
Siya sukkel steeds met die motorfietsryers en Gary praat sy mond verby by Lourens. Bridgette hou haar tuinpartytjie, waartydens Riaan en die blondine se verhouding beproef word.
Donderdag 9 April 2026
Gary konfronteer Willie oor sy kriminele rekord. Kate was haar mond uit nadat sy gesien het hoe Riaan iemand soen. Siya se plan om van die Ruiterbosch Riders ontslae te raak boemerang.
Vrydag 10 April 2026
Angie en Gary betree ’n grys area saam met Willie. Siya en Nazeem vier ’n oorwinning, en Frankie kry ’n onverwagse besoeker.
Maandag 13 April 2026
Gary vind uit wie die massiewe huis in Bantrybaai besit. Bianca praat onwetend haar mond verby, en Mike vind uit Amanda is ook in Ruiterbosch.
Dinsdag 14 April 2026
Nazeem maak Bridgette woedend, terwyl Gary bekommerd is oor Willie. Mike deel iets met Amanda wat haar onkant vang…
Woensdag 15 April 2026
Siya bevind hom in die middel van ’n tweestryd oor die skuiling. Kate moedig Mike aan om te veg vir sy verhouding met Amanda, terwyl Gary, Angie en Willie ’n deurbraak maak.
Donderdag 16 April 2026
Gary se span spioene kry onverwags ’n nuwe lid, terwyl Riaan ’n besluit moet neem oor sy en die blondine se toekoms. Siya se kerkraad ondersteun Nazeem se projek, maar gaan Bridgette dit aanvaar?
Vrydag 17 April 2026
Gary-hulle se planne word in die wiele gery, en Amanda voel oorweldig deur alles. Siya en Bridgette se uitval het ernstige gevolge vir die kerk.
Maandag 20 April 2026
Angie oortuig vir Wade om by Gary se span aan te sluit. Siya is desperaat om die kerk te red, en Mike stuur vir Amanda ’n geskenk. Die nuwe Ruiterbosch Seerowers slaan toe!
Dinsdag 21 April 2026
Mike se onderhoud by JPD verloop nie soos hy verwag het nie. Siya roep ’n geheime wapen in om die kerk te probeer red. ’n Onverwagse besoeker veroorsaak komplikasies vir Gary en sy span se rooftog.
Woensdag 22 April 2026
Kate en Siya stel ondersoek in na die grond wat Bridgette vir die kerk belowe het. Mike maak reg vir sy eerste dag by JPD, terwyl Wade vasberade is om Nazeem uiteindelik te ontmasker.
Donderdag 23 April 2026
Bridgette dreig vir Nazeem, terwyl Kate vir Mymoena ’n groot guns vra. Frankie onthul iets groot aan Amanda…
Vrydag 24 April 2026
Ruiterbosch is verdeeld en Siya bevind hom in die middel. Amanda verbied Riaan om vriende te wees met Frankie, terwyl Mymoena besluit om vir Kate in te staan by die apteek.
Maandag 27 April 2026
Mike gee vir Justin raad oor Frankie se verjaardag, terwyl Kate opgewonde is oor haar vakansie. Siya probeer dinge regmaak met Bridgette, maar gaan sy dit aanvaar?
Dinsdag 28 April 2026
Kate se bootreis val deur die mat en Angie meng in met Anker se sake. Siya reël ’n perskonferensie vir ’n dramatiese onthulling.
Woensdag 29 April 2026
Bridgette moet ’n besluit neem oor die kerk se toekoms. Justin ontdek iets skokkend by Frankie se verjaardagpartytjie.
Donderdag 30 April 2026
Bridgette stel voor dat Zoë nie na die geleentheid by Anker toe gaan nie. Gary is oortuig ’n Hollywood-ster kuier in die Kaap, terwyl Justin vir Riaan konfronteer.
Suidooster word weeksdae om 18:00 op kykNET (DStv-kanaal 144) en 18:30 op kykNET&kie (DStv-kanaal 145) uitgesaai. Suidooster is ook beskikbaar op Catch Up, DStv Stream en Showmax.
