Elke maand bring ons vir jou ’n opsommende voorskou oor al die drama, smart en skandale waarna jy op kykNET&kie se se eerste Brasiliaanse telenovela, Plaas van passie, wat na Afrikaans oorgeklank is, kan uitsien. Dié telenovela staan egter hierdie maand einde se kant toe met die laaste sarsie episodes wat uitgesaai word. Dit word vervang deur die oorgeklankte Turkse telenovela Dikker as water wat vanaf 14 Oktober 2025 op kykNET&kie uitsaai.
Hier is ’n voorsmakie van wat jy in die laaste Plaas van passie-episodes kan verwag.
Woensdag 1 Oktober
Tydens ʼn skietgeveg word Aline en Suster Teresa bevry en hulle word hartlik tuis verwelkom deur familie en vriende. Marino boei Antonio wanneer hy hom arresteer, en Antonio sweer wraak.
Donderdag 2 Oktober
Marino ontvang ʼn wenk aangaande Agatha se moord. Irene trek toutjies om vir Antonio uit die tronk uit te kry, teen Silverio se raad.
Maandag 6 Oktober
Anely trou met Naterchino, tot Luigi se groot hartseer. Antonio kry ʼn sluipmoordenaar, wat vir Lucinda skiet.
Dinsdag 7 Oktober
Marino besoek vir Ramiro en bied hom ʼn geleentheid aan om ʼn pleitooreenkoms aan te gaan. Silverio maak dit aan Antonio en Irene duidelik hoe diep in die moeilikheid albei van hulle is.
Woensdag 8 Oktober
Petra besluit om Caio die waarheid te vertel. Sy weet dat Irene ʼn motorwerktuigkundige gehuur het om die remme van Caio se motor te saboteer.
Donderdag 9 Oktober
Irene maak gereed om haar laaste plan uit te voer, Marino het vir Angelina in ʼn hoek, Anely en Luigi vind mekaar weer, en Antonio word weer vasgetrek. Antonio ontsnap uit aanhouding en sê vir Silverio dat hy gaan wraak neem op Aline. Irene word voorgekeer toe sy Graça se baba wou steel.
Maandag 13 Oktober
In die finale episode daag Antonio by die kerk op om Aline te skiet. Caio en Aline se tweeling word gebore en die première van Tadeu se film vind plaas, Kelvin en Ramiro trou.
Plaas van passie word Maandae tot Donderdae om 20:00 op kykNET&kie (DStv-kanaal 145) en DStv Stream uitgesaai. Dit is ook ná uitsending op Catch Up beskikbaar.
