Hier is ’n voorsmakie van wat jy hierdie maand in Binnelanders kan verwag.
Maandag, 1 Julie
’n Beseerde Naomi beland in die ongevalle-eenheid, Ciska vertel vir ’n geskokte Karen van haar planne vir die aand, en Steve probeer desperaat ’n plan beraam om vir Bronwyn te sorg.
Dinsdag, 2 Julie
Vicky is ongemaklik wanneer Bronwyn in die omtrek is. Elise vat vir Uys vas, en Bronwyn hoor van Steve se verhouding.
Woensdag, 3 Julie
Steve oorweeg ’n besluit waarmee Nicolette haar heimlik nie kan vereenselwig nie, en ’n liefde wat gelyk het of dit gaan blom, word in die kiem gesmoor. Ella is opgewonde oor ’n nuwe idee vir Binneland.
Donderdag, 4 Julie
Steve en Nicolette stamp koppe oor Bronwyn, Tracy spook om ’n oppasser vir Leah te kry, en Tertius voel hulle moet ander opsies oorweeg. Delia probeer Conrad en Steve oorreed om Naomi vir ’n nuwe pos te oorweeg.
Vrydag, 5 Julie
Delia verras Naomi met ’n werksaanbod wat sy nie kan, of wil weier nie, Tracy moet ’n moeilike besluit neem wat Leah betref. Bronwyn word met die harde werklikheid van ’n versorgingseenheid gekonfronteer.
Maandag, 8 Julie
Naomi sien uit na haar eerste dag in ’n nuwe pos, Tertius probeer Tracy troos na hulle Leah by die speelskool aflaai, en Bronwyn smeek Nicolette om haar te help.
Dinsdag, 9 Julie
Bronwyn probeer om Steve gerus te stel, en Tracy voel sy laat Leah in die steek. Naomi probeer met ’n noodgeval help.
Woensdag, 10 Julie
Tracy se emosies ry wipplank oor Leah se uitslag, en sy is oorgehaal om die oorsaak te vind. Thalia is gretig om uit te vind wat Conrad van Ella dink, en Steve besef hy moet Nicolette om verskoning vra.
Donderdag, 11 Julie
’n Halstarrige pasiënt het moontlik ’n verbintenis met een van Binneland se dokters, en Steve maak ’n bekentenis aan Delia wat haar gespanne laat. Binneland kry ’n nuwe pediater.
Vrydag, 12 Julie
Uys vat vir LJ vas, en Steve besef Bronwyn was nie eerlik met hom nie. Dokter Fortuin vermoed wat die oorsaak van Leah se uitslag is, en Delia en Conrad is bekommerd oor ’n aanbod.
Maandag, 15 Julie
Ella maak ’n impromptu aanbod aan Robert waaroor sy onmiddellik spyt is. Steve maak ’n loopbaan-besluit wat almal stom slaan, en Tracy begin ’n semi-maniese oorlog teen grondboontjies.
Dinsdag, 16 Julie
Ella probeer om haar aanbod terug te trek, Nicolette is geskok wanneer sy uitvind van Steve se besluit, en Tracy se moed sak in haar skoene ná ’n besoek aan Leah se pediater.
Woensdag, 17 Julie
Een van Binneland se dokters begin afskeid neem, Ella en Uys stamp koppe oor LJ, en almal is meer ondersteunend as wat Tracy verwag het.
Donderdag, 18 Julie
Tracy en Kristien is baie gespanne voor Fiona se kursus, en Ella is lugtig oor haar nuwe woonstelmaat. Thalia en LJ deel ’n ongemaklike oomblik.
Vrydag, 19 Julie
Uys gee vir Ella raad oor LJ, en Naomi is bekommerd oor LJ en Thalia se vriendskap. Conrad vra Delia se raad ná hy ’n onverwagse aanbod ontvang, en Nicolette is gefrustreerd met haar situasie.
Maandag, 22 Julie
Ella vind dit by die dag moeiliker om met LJ huis te hou, en Uys probeer ondersteuning bied. Naomi sien dit as haar plig om Thalia teen LJ te beskerm, en At is nie gerus oor die verwikkelinge tussen Conrad en ’n kollega nie.
Dinsdag, 23 Julie
Tracy probeer haar bes om Conrad te betrek, veral ná ’n ongemaklike situasie met Delia. Naomi sien ’n kant van LJ waarvan sy nie hou nie, en Karen druk Uys om Nicolette te ondersteun.
Woensdag, 24 Julie
Ella konfronteer LJ oor sy vreemde gedrag, Conrad moet homself keer om nie vir Lukas te verwurg nie, en Annetjie beleef ’n krisis wanneer iemand by Binneland opgeneem word.
Donderdag, 25 Julie
Ella en Naomi sit vas oor LJ, en Tertius nooi ’n laaste gas na Leah se toewyding toe. At ontvang slegte nuus.
Vrydag, 26 Julie
At probeer Laetitia oorreed om vir ’n operasie te gaan, Ella is op die agtervoet wanneer LJ moeilikheid by die skool veroorsaak, en Delia is baie nuuskierig oor ’n saak waaraan Lukas werk.
Maandag, 29 Julie
LJ weier om eerlik met Ella te wees, en Nicolette hoor dat ’n bekende sjirurg met die registrars gaan kom praat. Lukas is op Laetitia se spoor, en Delia weet nog nie dat Laetitia At se vrou is nie.
Dinsdag, 30 Julie
Naomi en Louis verbied Thalia om iets met LJ te doen te hê, en Nicolette se vinnige optrede tydens ’n insident beïndruk vir Max. At maak planne om Laetitia te versteek, en Lukas het ’n noue ontkoming.
Woensdag, 31 Julie
Nicolette maak vurig voorbrand om vir die Januarie-opname van registrars te kwalifiseer, en Delia is geskok wanneer haar vermoede oor Gretha Havenga bevestig word.
Nuwe episodes van Binnelanders word vanaf Maandag tot Vrydag om 19:30 op kykNET en DStv Stream (DStv-kanaal 144) uitgesaai. Daar is ook elke aand ’n herhaling van die episode om 23:30, asook Dinsdag tot Vrydag om 08:30.
Episodes van die vorige seisoen van Binnelanders word vanaf Maandag tot Vrydag om 22:00 op kykNET&kie. (DStv-kanaal 145) uitgesaai, met herhalings van dié episode om 01:00 die volgende dag. Daar is ook ’n omnibus van die week se episodes op ’n Saterdag om 10:30.
Seisoene 8-12 van Binnelanders is op Showmax beskikbaar. Die huidige seisoen is nie beskikbaar op die plaaslike weergawe van dié diens nie.
