Formula 1: Drive to Survive is ’n adrenalienbelaaide dokumentêre reeks wat sedert die eerste seisoen in 2019 ’n ongekende agter-die-skerms blik op die wêreld se top-jaers gee soos hulle in die Formule Een-wêreldkampioenskap meeding.
Die reeks sluit onder meer onderhoude en eksklusiewe beeldmateriaal in. Die vierde seisoen is vanaf 11 Maart 2022 op Netflix beskikbaar. Hierdie keer draai dit veral om die konflik en drama wat tussen Mercedes se Lewis Hamilton en Red Bull se Max Verstappen tydens die 2021-seisoen afgespeel het.
Max is egter een van die jaers wat besluit het om nie meer aan dié dokkiereeks deel te neem nie. Glo torring dit té veel aan die waarheid om sodoende ’n sensasionele storielyn te skep. Trouens, daar word dikwels na die reeks as doku-fiksie verwys.
Formule 1: Drive to Survive word deur die Oscar-wenner James Gay-Rees (Amy) en Paul Martin (Ronaldo) vervaardig. Hulle het ook saam aan Maradona gewerk.
Sedert die nuwe reeks op Netflix vrygestel het, het verskeie rolspelers, waaronder ook die McClaren-jaer, Lando Norris, die vervaardigers gekritiseer vir hoe hulle met die waarheid omgaan.
Die vervaardigers ook hewig deur omdat hulle blatant van die gesprekke oor die spanradios in onverwante tonele gebruik. Ook vir die wanvoorstellings wat van verhoudings tussen jaers, spanmaats en spanbestuurders geskep word. ’n Knip-en-plak-situasie met ’n reuse-begroting…Diesnieteenstaande word die reeks ook geprys vir hoe dit meer aanhangers na die sport gelok het.
Kyk ook:
Kry Netflix met DStv
DStv-intekenare kan met die nuwe Explora Ultra toegang tot Netflix kry. Kry dit nou →
