Menu terloops
In Lysie-lysie [10 Jun 2024]

Wie’s wie in ‘Een keer om die son’? Ontmoet die karakters van nuwe gesinsdrama


Die rolverdeling van kykNET se nuwe gesinsdrama ‘Een keer om die son’ sluit van skermlegendes soos Albert Maritz en Joanie Combrink tot kykergunstelinge soos Donnalee Roberts en Jacques Bessenger in, met Ivan Botha as regisseur.

Wie’s wie in ‘Een keer om die son’? Ontmoet die karakters van nuwe gesinsdrama
Kyk lokprent

Die storieskeppers en kreatiewe duo Donnalee Roberts en Ivan Botha se eerste uittog as die vervaardigers van ’n TV-drama blyk een helse emosionele wipplankrit te wees. En dís net wat ’n mens vanuit dié drama, Een keer om die son, se amptelike lokprent, kan aflei. Daarin sien ons hoe ’n gesin gaan van lag en dans na huil op die vloer – als oor die verloop van ’n enkele jaar.

Elke episode van die reeks, met Ivan en Donnalee as die hoofskrywers en Liani Jansen van Rensburg, Retief Scholtz en Tina Kruger as medeskrywers, beeld een maand van die jaar uit.

kykNET het onlangs die rolverdeling van die reeks, wat einde-Junie begin uitsaai, bekendgemaak.

1

Jacques Bessenger as dr. Ruan van Wyk

Een keer om die son

Dr. Ruan van Wyk is ’n neurochirurg en met Lani (Jana Kruger) getroud. Hy probeer sy bes om ’n balans tussen sy beroep en sy gesin te kry, maar sy beroep wen telkens.

2

Jana Kruger as Lani van Wyk

Een keer om die son

Lani van Wyk is met Ruan (Jacques Bessenger) getroud en is ook die ma van hul drie kinders, Markus, Leandri en Sophia. Sy is die gom wat die gesin bymekaar hou.

3

Liam Bosman as Markus van Wyk

Een keer om die son

Markus van Wyk is 17 jaar oud en in matriek. Hy word gekies as die kaptein van die eerste rugbyspan, maar het ’n ander droom.

4

Alma van Heerden as Leandri van Wyk

Leandri van Wyk is 15 jaar oud en in graad 9. Sy raak ná ’n familietrauma geweldig rebels en doen dinge wat sy nooit voorheen sou doen nie.

5

Klara van Zyl as Sophia van Wyk

Sophia van Wyk is agt jaar oud en Lani en Ruan se jongste dogter. Waar Leandri se gedrag baie rebels raak, verkies Sophia om eerder na haar eie fantasiewêreld te ontsnap en só van haar realiteit sin te maak. 

6

Donnalee Roberts as Amé Cloete 

Een keer om die son

Amé Cloete is ’n 36-jarige finansiële bestuurder. Sy is met Joshua (Ludwig Binge) getroud en is ook Ruan se suster. Sy het van die begin van haar verhouding met Joshua dit duidelik gemaak dat sy nie kinders wil hê nie.

7

Ludwig Binge as Joshua Cloete 

Joshua Cloete (38) is die eienaar van ’n kunsgalery en ’n kurator. Hy wil baie graag ’n pa word, maar is deeglik bewus dat Amé nie dieselfde voel nie.  

8

Albert Maritz as prof. Sebastian van Wyk

Sebastian van Wyk (67) is ’n professor in entomologie (insekkunde) en ook Ruan en Amé se pa.

9

Joanie Combrink as Elma van Wyk 

Een keer om die son

Elma van Wyk (67) is Sebastian se vrou en Ruan en Amé se ma. Sy bak vir ander mense, maar voel vasgevang en het groot drome om te reis.

10

Susanne Beyers en Pierre van Pletzen as Salie en Jan Wessels

Dié twee karakters is Sebastian en Elma se beste vriende. 

11

Alex van Dyk as Xavier 

Xavier is 17 jaar oud en in graad 11. Hy is die cool kind op skool, steur hom glad nie aan reëls nie, en het ’n oog op Leandri.

Ander spelers sluit in: 

  • Simone Neethling as Charlie, die leier van die dansgroep; 
  • Lee-Ann van Rooi as dr. Beth Hendricks, hoof van neurochirurgie;
  • Adriaan Havenga as dr. Jean Petersen, wat besig is met sy opleiding as neurochirurg; 
  • Bennie Fourie as Coach Cilliers;
  • Antoinette Louw as Juffrou Marianne, Sophia se graad 2-juffrou;
  • Amalia Uys as die kunstenaar Sage Jones.

Kyk Een keer om die son vanaf Dinsdag, 25 Junie, op kykNET en DStv Stream (DStv-kanaal 144). Ook ná uitsending op Catch Up beskikbaar.

Wat, waar en wanneer?

Ons kies en keur die beste plaaslike en internasionale sepies, reeks en flieks om nou op Showmax, DStv en Netflix te kyk.

Sien ook Meer

Jy sal hou van:

15

Van ‘Bridgerton’ tot ‘Shaka iLembe’: 15+ periodedramas om nou te kyk

Van die Shelby-broers se bloederige vuiste in ‘Peaky Blinders’ tot dáái koetstoneel in die derde seisoen van ‘Bridgerton’. Hier is ons keur van die beste periodedramas wat jy tans kan stroom. 

Meer
18

Wat om te kyk: 18+ epiese boeke wat in TV-reekse omskep is

Soveel boeiende boeke wat omskep is in soveel skitterende TV-reekse. Hier is ons keur van dié reekse wat jou gaan bekoor, inspireer en ontroer.

Meer

Redakteurskeuse vir Junie 2024: Grootse ‘House of the Dragon’ keer terug, Federer se finale dae, Celine Dion se stryd, en nog

Wat om te kyk: Roerende dokkies oor Celine Dion en Roger Federer, die tweede seisoen van die epiese 'House of the Dragon' en deel twee van 'Bridgerton' se derde seisoen tel onder my keur van TV-vermaak vir vandeesmaand se redakteurskeuse.

Meer

Jou ‘Diepe Waters’-gids vir Junie 2024

Daar is ’n skokkende voorval by die swemklub, Zelda is ongelukkig en ’n onwelkome gas verskyn op Sanet se drumpel. Dít en nog meer is waarna 'Diepe Waters'-kykers in Junie kan uitsien. Hier is ons handige kykgids.

Meer
Sien alle opsies