Terwyl Pam en Zelda met briljante planne vorendag kom om hul veldtogte ’n hupstoot te gee, moet Gys vinnig dink om skadebeheer toe te pas. Intussen wonder die Viljoen-kinders of Schalk se skielike begeerte om te verander opreg is… Hier is die storielyne wat vandeesmaand die dramabelaaide toon aangee in die kykNET-telenovela Diepe Waters.
1
Strategiese veldtogte
Pam en Zelda span kragte saam met ’n “briljante idee” om hul veldtog ’n hupstoot te gee, maar Gys moet vinnig spring om skadebeheer te doen.
2
Die raaisel rondom Schalk
Terwyl Schalk beweer hy wil verander, bly die Viljoen-kinders skepties. Sy groeiende woede en dreigende teenwoordigheid dui ook op moeilikheid. Wie sal kan staande bly soos Schalk se invloed soos ’n donker wolk oor Boskruin saambondel?
3
Nuwe bloed by die Swartmarlyne
’n Nuwe atleet sluit by die span aan, en Rene mors nie enige tyd om vir Liam ’n aanbod te maak terwyl sy meer oor sy geskiedenis uitvind nie.
4
Siseko se skok
Tussen skokkende nuus en ’n onaangename verrassing, word Siseko se wêreld heeltemal omgekeer.
5
Chaos in die park
Net wanneer die Viljoens glo die slegte tye is verby, neem Leandri se funksie in die park ’n onverwagte wending wat almal onkant vang.
Kyk Diepe Waters Maandae tot Donderdae om 18:30 op kykNET (DStv-kanaal 144, ook aanlyn op DStv Stream). Diepe Waters is ook op Catch Up beskikbaar.
