As jy ’n aanhanger van Jenny Han se To All the Boys I’ve Loved Before is, dan gaan die spin-off XO, Kitty waarskynlik ook plesierige kykvermaak vir jou wees.
Anders as in To All the Boys, draai XO, Kitty nie om die vurige vonk tussen Kitty se suster, Lara Jean (Lana Condor) en Peter Kavinsky (Noah Centineo) nie. Dis eerder geliewe Kitty se liefdeslewe – en hart – wat hier blootgelê word.
Kitty dit reg om haar pa te oortuig om haar toe te laat om na Korea te reis en vir ’n tyd by haar oorlede ma se alma mater skool te gaan. Heel onrealisties. Want dis mos heel toevallig dat haar langafstandkêreld ook by dié kosskool klas loop. Daar gekom, besef Kitty egter blitsig dat verhoudings nie so eenvoudig is soos wat sy gedink het nie.
Soos in die To All the Boys-flieks, vertolk Anna Cathcart die rol van Kitty. Ook in die rolverdeling tel onder andere Choi Min-young, Anthony Keyvan en Gia Kim. Han is ook hiér die storieskepper.
Vanaf 18 Mei 2023 op Netflix beskikbaar om te stroom.
Kry Netflix met DStv
DStv-intekenare kan met die nuwe Explora Ultra toegang tot Netflix kry. Kry dit nou →
